Рабийә ханим әркин алиптекин вә мәмтимин һәзрәтләр билән мүрини - мүригә тирәп күрәш қилидиғанлиқини билдүрди


2005.07.18
Share on WhatsApp
Share on WhatsApp

Мәшһур кишилик һоқуқ паалийәтчиси рабийә қадир ханим вә мәмтимин һәзрәт әпәнди иштиракчилиқидики дуня уйғур қурултийиниң иҗраийә комитет йиғини, йәкшәнбә күни мюнхинда ахирлашти.

Рабийә қадирниң әскәртишичә, у әркин алиптекин вә мәмтимин һәзрәтләр билән мүрини - мүригә тирәп күрәш қилидикән. Йиғинда мәмтимин һәзрәт, чәтәлдики барлиқ күчләрни дуня уйғур қурултийиниң әтрапиға топлинип, дава тарихида йеңи сәһипә ечишқа чақирған. У, " дуня уйғур қурултийи вәтән ичи вә сиртидики миллий муҗадилиниң бирдин бир вәкили боливатиду," дәп тәкитлигән.

Дуня уйғур қурултийиниң иҗраийә комитет йиғини 15 - июлда башланған иди. Қурултайиниң дүшәнбә күни елан қилған баянатида тәкитлинишичә, йиғинниң ахирқи күндики музакирә күнтәртипи қурултайниң күрәш истратегийиси, иқтисади мәнбәәси, қурултай рәһбәрлириниң вәзипә тәқсимати, вәтән ичи билән алақини күчәйтиш қатарлиқ темиларға четилған. Әмма қурултай баянатида бу нишанларни қандақ йитидиғанлиқини тилға елинмиған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.