Rabiye xanim erkin aliptékin we memtimin hezretler bilen mürini - mürige tirep küresh qilidighanliqini bildürdi

Meshhur kishilik hoquq pa'aliyetchisi rabiye qadir xanim we memtimin hezret ependi ishtirakchiliqidiki dunya Uyghur qurultiyining ijra'iye komitét yighini, yekshenbe küni myunxinda axirlashti.

Rabiye qadirning eskertishiche, u erkin aliptékin we memtimin hezretler bilen mürini - mürige tirep küresh qilidiken. Yighinda memtimin hezret, chet'eldiki barliq küchlerni dunya Uyghur qurultiyining etrapigha toplinip, dawa tarixida yéngi sehipe échishqa chaqirghan. U, " dunya Uyghur qurultiyi weten ichi we sirtidiki milliy mujadilining birdin bir wekili boliwatidu," dep tekitligen.

Dunya Uyghur qurultiyining ijra'iye komitét yighini 15 - iyulda bashlan'ghan idi. Qurultayining düshenbe küni élan qilghan bayanatida tekitlinishiche, yighinning axirqi kündiki muzakire küntertipi qurultayning küresh istratégiyisi, iqtisadi menbe'esi, qurultay rehberlirining wezipe teqsimati, weten ichi bilen alaqini kücheytish qatarliq témilargha chétilghan. Emma qurultay bayanatida bu nishanlarni qandaq yitidighanliqini tilgha élinmighan. (Erkin)