Америка дөләт мәҗлиси кишилик һоқуқ комитети вә рабийә ханим
2005.08.02
Америкида чиқидиған "хиристиан илим-пән көзитиш" хәвәр торида дүшәнбә күни атағлиқ уйғур паалийәтчиси рабийә қадир ханим вә америка дөләт мәҗлиси кишилик һоқуқ комитети тоғрисида мақалә елан қилинип, бу тәшкилатниң рабийә ханимниң қоюп берилишидә ойниған роли шәрһиләнди.
Мақалида, рабийә ханимниң қоюп берилиш җәряни вә униң түрмидики ахирқи мәзгилидә хитай һөкүмитиниң униңға тутқан позитсийисини туюқсиз өзгәрткәнликигә аит мәлуматлар тәсвирләнгән.
Мақалида көрситилишичә йәнә, рабийә ханимниң қизи әқидә апторниң зияритини қобул қилғанда, униңға америка дөләт мәҗлиси кишилик һоқуқ комитетиниң, аписи рабийә ханимниң қоюп берилишидә интайин муһим рол ойниғанлиқини, шундақла бу комитетниң рабийә ханимниң мәсилисини оттуриға елип чиқиш һәрикитини қәтий тохтитип қоймиғанлиқини билдүргән.
Мәзкур мақалидин мәлум болушичә йәнә, һазир америка дөләт мәҗлисидики ғәйри-рәсмий тәшкилатларниң кишилик һоқуқ йолидики паалийәтлири барғансери җанлиниватқан болуп, буларниң арисида америка авам палата әзаси том ләнтос башчилиғидики кишилик һоқуқ комитетиниң нәтиҗиси көрүнәрлик болған.
Дөләт мәҗлиси кишилик һоқуқ комитети, том ләнтос билән йәнә бир авам палата әзаси җон портер тәрипидин 1983 - йили қурулған болуп, бу комитетниң һазир 188 әзаси бар. (Пәридә)
Мунасивәтлик мақалилар
- Рабийә қадир германийә әмәлдарлириға уйғур мусапирлар мәсилисини әскәртти
- Рабийә ханим әркин алиптекин вә мәмтимин һәзрәтләр билән мүрини - мүригә тирәп күрәш қилидиғанлиқини билдүрди
- Рабийә қадир ханим германийидә д у қ ниң йиғиниға қатнашти
- Рабийә қадир ханим германийидә уйғур муһаҗирлар тәрипидин күтүвелинди
- 2005 -Йиллиқ "демократийә" мукапати 3 нәпәр афғанистанлиққа берилди