Eynek zhornili: xitaygha qarshi atlan'ghan "burzhu'a inqilabchisi"


2005-11-29
Share

Gérmaniyide chiqidighan "eynek" zhornili 22 - noyabirda Uyghur kishilik hoquqi we démokratiye herikitining rehbiri rabiye qadir xanim toghrisida maqale élan qilip, rabiye qadirni xitaygha qarshi küreshke atlan'ghan musulman " burju'a inqilapchisi" dep atidi. Maqalide " rabiye qadir xitay rehberlirini xelq'ara kishilik sot munbirige élip chiqish üchün küresh qilmaqta" dep tekitligen.

Maqalide eskertishiche, rabiye qadir xanimning 1997 - yili 3 - ayda xitay siyasiy meslihet kéngishining memliketlik yighinida sözligen nutiqi, xitaygha "urush élan qilish bayanati" bolup, bu rabiye qadir xanim üchün xitay hökümiti bilen ada - juda bolushning burulush nuqtisi bolup qalghan.

Maqalide aptor, rabiye qadir xanimning xelq sariyida siyasiy meslihet kéngishining 4800 neper wekilige " junggoning shinjangda yolgha qoyghan siyasiti toghra emes we adaletsizdur" dep xitap qilghanliqini yazdi. Maqalide tekitlishiche, rabiye qadir xanim yighinda " junggo hökümiti Uyghurlarning diniy erkinlikige hörmet qilishi lazim.

Xalighanche tutqun qilish we siyasiy mehbuslargha ölüm jazasi bérishni toxtitish kérek " dep eskertish bilen birge " Uyghurlarning tarixi, edebiyati we tiligha hörmet qilinishi kérek" dep sözligen.

Rabiye qadir xanimning eskertishiche, 1997 - yili 5 - féwralda xitay qoralliq qisimlirining ghulja yashlirini basturush herikiti uning sewr- taqitini toldurghan axirqi tamche bolup qalghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet