Ataqliq kishilik hoquq pa'aliyetchisi rabiye qadir kofiy annan'gha ochuq xet yazdi


2005-12-01
Share

Birleshken döletler teshkilatining bash katipi kofiy annanning xitay ziyariti harpisida Uyghurlarning meniwi anisi we ataqliq Uyghur kishilik hoquq pa'aliyetchisi rabiye qadir xanim we Uyghur amérika birleshmisi annan'gha ochuq xet ewetti.

Rabiye qadir xanim kofiy annan'gha ewetken xétide, birleshken döletler teshkilatining bash katipidin xitay rehberliri bilen körüshkinide, xelq'ara kishilik hoquq teshkilatliri teripidin ispat we pakitliri bilen otturigha qoyulghan Uyghurlarning kishilik hoquqining depsende qiliniwatqanliqi mesilsini otturigha qoyushni telep qildi.

Rabiye qadir xanim shundaqla kofiy annandin xitay rehberliri bilen élip baridighan söhbiti jeryanida, bolupmu Uyghur siyasiy jinayetchilerge qaritilghan ölüm jazasini toxtitish, Uyghur siyasiy mehbuslarni qoyup bérish, Uyghurlarning diniy erkinlikige hörmet qilish, Uyghurlargha qaratqan pilanliq tughut siyasitini toxtitish, Uyghur tili we medeniyitining tereqqiyatigha yol qoyush we xitayning ichkiri ölkiridin Uyghur élige xitay aqqunlirini yötkeshni toxtitish qatarliq mesililerni otturigha qoyushini telep qilghan. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet