Рабийә қадир ханим памир тағлиридики террорчилар базиси дейилгән делони хәлқара җәмийәтниң мустәқил тәкшүрүшини тәләп қилди


2007.01.10
Share on WhatsApp
Share on WhatsApp

Ниңша тоңган аптоном райониниң тор бәтлиридә 1 ‏- айниң 10 ‏- күнидин башлап, 'шәрқий түркстан террорчилириниң памер тағлиридики мәшиқ базиси' дегән тема астида, 1990 ‏- йиллардин буян йүз бәргән 'террорчилиқ вәқәлири' гә даир һәрхил баянлар елан қилинишқа башлиди. Униңда, хитайниң шинҗаң җамаәт хәвпсизлик назаритиниң 1 ‏- айниң 5 ‏- күни памер тағлирида 'террорчиларниң мәшқ лагири' ни тар‏ - мар қилғанлиқи, террорчиларға һуҗум қилғанда өлгән бир сақчини инқилабий қурбан елан қилғанлиқи вә һазир бу делониң қанун буйичә бир тәрәп қилинишқа башлиғанлиқи алаһидә һекайә қилинған.

Б б с ниң хәвәр қилишичә, хитайниң ташқи ишлар миниситирлиқи 1 ‏- айниң 5 ‏- күни памер тағлирида 'террорчиларниң мәшиқ лагири' тар - мар қилинип, қаршилиқ көрсәткән 18 нәпәр террорчиниң етип өлтүрүлгәнлики, 17синиң тутулғанлиқи, 22 данә қол бомбиси, 1500 дин артуқ қол бомба сәплимилири қолған чүшүрүлгәнликини вә қалған террорчиларниң қоғлап тутулушқа башлиғанлиқини елан қилғандин кейин, уйғур кишилик һоқуқ йетәкчиси рабийә қадир ханим учур вастилири арқилиқ баянат елан қилип, 'памир тағлиридики террорчилар базиси' дейилгән делони хәлқара җәмийәтниң мустәқил тәкшүрүшини тәләп қилди. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.