Rabiye qadir xanim pamir taghliridiki térrorchilar bazisi déyilgen déloni xelq'ara jem'iyetning musteqil tekshürüshini telep qildi

Ningsha tonggan aptonom rayonining tor betliride 1 ‏- ayning 10 ‏- künidin bashlap, 'sherqiy türkstan térrorchilirining pamér taghliridiki meshiq bazisi' dégen téma astida, 1990 ‏- yillardin buyan yüz bergen 'térrorchiliq weqeliri' ge da'ir herxil bayanlar élan qilinishqa bashlidi. Uningda, xitayning shinjang jama'et xewpsizlik nazaritining 1 ‏- ayning 5 ‏- küni pamér taghlirida 'térrorchilarning meshq lagiri' ni tar‏ - mar qilghanliqi, térrorchilargha hujum qilghanda ölgen bir saqchini inqilabiy qurban élan qilghanliqi we hazir bu déloning qanun buyiche bir terep qilinishqa bashlighanliqi alahide hékaye qilin'ghan.

B b s ning xewer qilishiche, xitayning tashqi ishlar minisitirliqi 1 ‏- ayning 5 ‏- küni pamér taghlirida 'térrorchilarning meshiq lagiri' tar - mar qilinip, qarshiliq körsetken 18 neper térrorchining étip öltürülgenliki, 17sining tutulghanliqi, 22 dane qol bombisi, 1500 din artuq qol bomba seplimiliri qolghan chüshürülgenlikini we qalghan térrorchilarning qoghlap tutulushqa bashlighanliqini élan qilghandin kéyin, Uyghur kishilik hoquq yétekchisi rabiye qadir xanim uchur wastiliri arqiliq bayanat élan qilip, 'pamir taghliridiki térrorchilar bazisi' déyilgen déloni xelq'ara jem'iyetning musteqil tekshürüshini telep qildi. (Weli)