Рабийә қадир бу йил йәнә нобил тинчлиқ мукапатиға намзат қилип көрситилди


2007.02.02

Уйғур рәһбири вә дуня уйғур қурултийиниң рәиси рабийә қадир ханим норвигийә, шветсийә вә италийилик әрбаблар тәрипидин бу йил йәнә нобил тинчлиқ мукапатиға намзат қилип көрситилди.

Франсийә ахбарат агентлиқиниң хәвәр қилишичә, рабийә қадир ханим бу йилқи нобил тинчлиқ мукапати намзатлири ичидики финландийиниң сабиқ президенти ахтисари, америкиниң муавин президенти әлгорлар қатаридин орун алған әң күчлүк 3 намзатниң бири, дәп қаралмақта.

Уйғур аптоном райони парткоминиң секретари ваң лечүән вә муавин секретари нур бәкриләр рабийә қадирниң намзатлиққа көрситилгәнликини "күлкилик" дәп һуҗум қилған болсиму, лекин рабийә қадир бу йилқи намзатлиққа шветсийә парламент әзаси анексен ханим шундақла норвигийә вә италийә парламент әзалири һәм норвигийә рафто фонди җәмийити қатарлиқ шәхс вә органлар тәрипидин көрситилди. Рабийә қадир ханимни өткән йили шветсийә парламент әзаси анексен ханим көрсәткән.

Норвигийә рафто фонди җәмийитиниң рәиси арни лингаарт, рабийә қадир ханимни "бу йил мукапат елиш еһтимали бар намзатларниң бири " дәйду. У, бу йилқи мукапат 2008- йили бейҗиң олимпик мусабиқиси ечилиштин бурун тарқилитидиған ахирқи мукапат. Әгәр нобил комитети хитай кишилик һоқуқ вәзийитигә көңүл бөлсә, у һалда рабийә қадир наһайити көңүлдикидәк намзат " дәп тәкитлигән.

Хитай пәнләр академийисиниң бир тәтқиқатчиси йеқинда хитай даирилирини "рабийә қадир дәври" ниң йетип келиватқанлиқи һәққидә агаһландурған иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.