Amérika : junggo rabiye qadirning perzentlirini derhal qoyup bérishi kérek


2006.06.02

Amérika tashqiy ishlar ministirliqi peyshenbe küni chüshtin kéyin bayanat élan qilip, Uyghur kishilik hoquq we démokratiye herikitining rehbiri rabiye qadirning xitay da'iriliri teripidin qolgha élin'ghan 3 perzentini derhal qoyup bérishni telep qildi.

Tashqiy ishlar ministirliqining kündilik axbarat élan qilish yighinida muxbirlarning bu heqtiki su'aligha jawab bergen bayanatchi, Uyghur rehbirining 3 perzenti qolgha élin'ghanliqidin amérikining "chongqur endishe tuyuwatqanliqini" bildürdi.

Tashqiy ishlar ministirliqining bayanatchisi," rabiye qadirning perzentliri qolgha élin'ghanliqidin we bir yaki uningdin köp perzentining tayaq yigenliki heqqidiki xewerlerdin chongqur endishe qiliwatimiz" deydu. Bayanatchining eskertishiche, amérika rabiye qadirning perzentlirini derhal qoyup bérishni telep qilghan . U, " biz endishimizni xitayning yuqiri derijilik hökümet emeldarlirigha yetküzduq we weqe üstidin tekshürüsh élip bérishini shundaqla rabiye qadirning perzentlirini qandaq nam astida qolgha alghan bolushidin qet'iy nezer qoyup bérishini qattiq telep qilduq " dep körsetti.

Rabiye qadir a'ilisining jüme küni rad'i'omizgha ashkarilishiche, xitay saqchiliri rabiye qadirning nensen'ge apirimiz , dep élip mangghan newre we jiyenlirini, qizi roshen'gülni a'ilisige qayturup kélip nezerbend astigha alghan. Lékin oghulliri alim abduréhim we ablikim abduréhimlarning hazirghiche iz dérikini alalmighan. Saqchilar alim bilen ablikimni peyshenbe küni ulanbaygha élip bérip urghan we ablikimning éghir derijide zexmilinip doxturxanigha élip kitilgenliki ilgiri sürülmekte. Lékin saqchi terep uning qaysi doxturxanida ikenlikini élan qilip baqmidi. Xitay metbu'atliri ularning qolgha élin'ghanliqini xewer qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.