Rabiye qadir xanim awstraliyide ziyaret pa'aliyetlirini dawamlashturmaqta


2008-02-19
Share

Awstraliyidiki kishilik hoquq jem'iyetliri hemde Uyghur jama'itining teklipi bilen awstraliyige ziyaretke mangghan Uyghur milliy herikiti rehbiri, dunya Uyghur qurultiyining re'isi rabiye qadir xanim we uning hemrahliri, 19 - féwral küni shu yer waqti chüshtin burun sa'et 10:50 minut ötkende awstraliyining sydney shehirige yétip, awstraliyidiki Uyghur wetendashlarning qizghin hem hayajanliq kütüwélishigha érishti.

Bu rabiye xanimning xitay türmisidin azat qilin'ghandin kéyinki awstraliyige qaratqan tunji ziyariti bolup hésablinidu.

Sédniydiki Uyghur jama'iti 19 - féwral rabiye xanim we uning hemrahlirini kütüwélish üchün, mexsus ziyapet oyushturghan bolup, ziyapetke 50 tin artuq kishi qatnashqan. Ziyapet jeryanida rabiye xanim mexsus sözge chiqqan we bashqa wekiller teng, bir qisim yerlik axbarat orunlirining ziyaretlirini qobul qilghan.

Bu qétim u awstraliye paytexti kambéra we awstraliye sherqiy türkistan jem'iyitining bash shitabi jaylashqan adéléyd qatarliq jaylarda ziyarette bolup awstraliye parlamént ezaliri hemde kishilik hoquq teshkilat rehberliri bilen uchrishidu. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet