Sédniy awan'garti géziti ning rabiye xanim heqqidiki xewiri


2008-02-20
Share

2005 ‏- Yili amérikigha kelgendin kéyin Uyghurlarning awazini pütün dunyagha anglitiwatqan rabiye qadir xanim hazir awstraliyide, ‏-‏ dep bayan qilinidu 'sédniy awan'garti géziti' ning bügünki sanida.

Bu gézit rabiye xanimni tonushturghanda 'xitayda shirketchilikte muweppeqiyet qazinip 11 ‏- chong bay dep atalghan, 11 balining anisi, u 2005 ‏- yili amérikigha kélip muhajirette bolushtin burun xitay türmiside alte yil yatqan, uning mal-mülki hökümet teripidin ziyan'gha uchritilghan, ikki balisi téxiche türmide' dep bayan qildi.

Bu gézitte Uyghurlarni tonushturghanda, 'xitay kommunist armiyisi 1949 ‏- yili, türk tilida sözlishidighan Uyghurlarning sherqi turkistanini igiliwalghan idi. Shuningdin kéyin xitay köchmenlirini köpeytish we yerlik Uyghurlarning din, medeniyet we milliy kimlikini cheklesh siyasitini qollinip keldi. 11 ‏- Séntebir weqesidin kéyin bolsa, xitay hökümiti térrorchiliqqa qarshi urush pursitini ghenimet bilip, Uyghurlarni basturup kelmekte. Uyghurlar bolsa öz‏- özige xoja bolush üchün köresh qilmaqta. Xitay hökümiti bu yil 1 ‏- ayning 27 ‏- küni yene, yerlik Uyghurlarni tutqun qildi, ikki kishini neq meydanda étip tashlidi' dep bayan qildi. Mezkur gézitte yene 'awstraliye hökümiti xitay hökümitining rabiye xanimning ziyariti heqqidiki pikrini ret qildi. Gerche bu qétim awstraliye tashqi ishlar ministiri rabiye xanim bilen körüshmisimu, emma bu ministirliqning xadimliri uning bilen söhbetlishidu' dep bayan qilindi. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet