Rabiye qadir xanimning " Uyghurlarning peryadi " namliq maqalisi amérika metbu'atida élan qilindi


2007-11-22
Share

Uyghur milliy herikitining rehbiri we dunya Uyghur qurultiyining re'isi rabiye qadir xanim, amérikida chiqidighan dangliq " wal sitirit zhurnal" gézitide mulahize élan qilip, xitay rehberlirining 2008‏- yilliq olimpik tenheriket yighinigha sahipxanliq qilish hoquqi béyjinggha bérilgende kishilik hoquq weziyitini yaxshilash toghrisida qilghan wedilirige emel qilmighanliqini bildürdi.

Rabiye qadir xanim, 22‏ - noyabir küni élan qilghan mulahiziside, qeshqer ottura sot mehkimisining 8‏- noyabir küni, 2008‏ - yilliq olimpik tenheriket yighinining échilish murasimigha bir yildin az waqit qalghan bir mezgilde, 6 neper Uyghurni térrorluq we bölgünchilik pa'aliyetlirige qatnashqan dep eyiblep, ularning 3 ige ölüm jazasi, ikkisige kéchiktürüp ölüm jazasi we birige muddetsiz qamaq jazasi bergenlikini, xitay rehberlirining kishilik hoquq weziyitini yaxshilash heqqide bergen wedilirige emel qilmighanliqining janliq ispati dep, körsetti.

Mulahiziside, xitay da'irilirining muxbirlarni tutup-qamap, xeliqning diniy pa'aliyetlirini qattiq kontrol qilip we cheklep, hökümetke qarshi her qandaq naraziliq herikitini qattiq basturuwatqanliqi, xitay rehberlirining 1955‏- yili sherqiy türkistan xelqighe bergen wedisige emel qilmighinidek 2001‏- yili xelq'ara olimpik komitétigha bergen wedisidimu turmighanliqining ochuq ipadisi dep, tekitligen. (Eqide‏)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet