Rabiye qadir yawropadiki 7 döletni ziyaret qilish sepirini bashlidi

Uyghur kishilik hoquqi we démokratiye herikitining rehbiri rabiye qadir, seyshenbe küni yawropadiki gollandiye, daniye, shwétsiye, norwigiye, shwétsariye, bélgiliye we lyuksimburg qatarliq döletlerni ziyaret qilish sepirini bashlidi.

Gollandiye, rabiye qadirning ziyaret sepirining tunji békiti bolup, rabiye qadir yawropadiki üch heptilik ziyariti jeryanida bu döletlerdiki hökümet emeldarliri, parlamént ezaliri, kishilik hoquq teshkilatlirining wekilliri, b d t emeldarliri we yawropa parlaméntidiki zatlar bilen uchrishidu.

Rabiye qadir, norwigiyide rafto fondi jem'iyiti uyushturghan pa'aliyetlerge ishtirak qilidiken. Norwigiye uning yawropa sepiridiki eng muhim béketlerning biri.

Rabiye qadir rafto fondi jem'iyiti teripidin nobél tinchliq mukapatining namzatliqigha körsitilgen. Nobil jem'iyiti tinchliq mukapatining la'uriyatini 7 - öktebirde élan qilidu.

Bu ziyaretni xelq'ara kechürüm teshkilati uyushturghan bolup, xitay hökümiti rabiye qadirgha wiza bérishni ret qilish we uning yawropadiki pa'aliyetlirini bikar qilish toghrisida yuqiriqi döletler we teshkilatlargha küchlük bésim ishletken. (Erkin)