Rabiye qadir gérmaniye emeldarlirigha Uyghur musapirlar mesilisini eskertti


2005.07.21
Share on WhatsApp
Share on WhatsApp

Gérmaniyini ziyaret qiliwatqan meshhur kishilik hoquq pa'aliyetchisi rabiye qadir, 19 – iyul gérmaniye paytexti bérlinda, gérmaniye tashqi ishlar ministirliqining sherqiy asiya bölümi mudiri barbax we kishilik hoquq ishlirigha mes'ul emeldari déyr ependiler bilen uchriship, Uyghur aptonom rayonining weziyiti toghrisida doklat berdi we gérmaniyidiki Uyghur siyasi musapirlarning ehwali toghrisida pikir almashturdi.

Gérmaniye tashqi ishlar ministirliqidiki zatlar, sherqiy türkistan weziyiti we gérmaniyidiki Uyghur musapirlar mesilisige köngül böliwatqanliqini bildürgen. Emma gérmaniye hökümiti yéqinda gérmaniyidin siyasi panahliq tiligen bir Uyghur ayalni xitaygha qayturuwetken shundaqla bu yil 5 - ayda ikki emeldarini xitay da'irilirining telipi boyiche béyjing we Uyghur aptonom rayonida "Uyghurlar mesilisi üstidin tekshürüsh élip bérishke" ewetken bolup, bu weqeler gérmaniyidiki Uyghur teshkilatlar we musapirlarni jiddi endishige salghan. Teshkilatlar xitaygha qayturulghan musapir ayalning aqiwiti toghrisida hazirghiche héchqandaq uchur alalmighan.

Shu küni axshimi rabiye qadir myunxénda xelq'ara kechürüm teshkilatining kütüwélish murasimigha qatnashqan. Etisi u, myunxénda muxbirlarni kütüwélish yighini chaqirip, axbarat sahesining su'allirigha jawab berdi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.