Uyghur milliy herikitining rehbiri rabiye qadir xanim bügün kanadagha ketti

Kanada parlaméntning kishilik hoquq, xelq'araliq soda tarmaqlirining teklipige bina'en, Uyghur milliy herikitining rehbiri, dunya Uyghur qurultiyining re'isi rabiye qadir xanim, dunya Uyghur qurultiyi ijra'iye komitétining re'isi alim séyit, dunya Uyghur qurultiyining meslihetchisi sidiq haji rozilar bügün kanadagha ketti.

Dunya Uyghur qurultiyining mu'awin re'isi, kanada Uyghur jem'iyitining re'isi mehemmet toxti ependining bayan qilishiche, rabiye qadir xanim 8 ‏- dékabirdin 13 ‏- dékabir künigiche kanadani ziyaret qilidu. Bügündin bashlap 10 ‏- dékabir künigiche toronto shehiridiki metbu'at orunliri, kishilik hoquq teshkilatliri, hökümetke béqinmaydighan ammiwiy teshkilatlarning wekilliri bilen söhbetlishidu. Bu jeryanda xitayning torontodiki elchixanisining aldida Uyghurlar ötküzidighan namayishqa qatnishidu. 11 – 12 - Dékabir künliri, ottawa shehiride kanada parlaméntning Uyghur mesililiri boyiche tunji qétim chaqirghan ispat bérish yighinigha qatnishidu. Rabiye xanim kanada ziyaritining axirqi künide, mantriyol shehiridiki hoquq we démokratiye dégen teshkilatning xadimliri bilen körishidu. (Weli)