Д у қ ниң рәиси рабийә қадир ханим канададики паалийәтлирини ахирлаштуруп, вашингтонға қайтип кәлди


2006-12-14
Share

Д у қ ниң рәиси, мәшһур кишилик һоқуқ паалийәтчиси рабийә қадир ханим, канададики бир һәптилик зияритини ахирлаштуруп, 14 ‏- декабир күни кәчтә вашингтонға қайтип кәлди.

Дуня уйғур қурултийиниң муавин рәиси, канада уйғур җәмийитиниң рәиси мәмәмәт тохти әпәндиниң билдүрүшичә, рабийә қадир ханим канада зияритиниң ахирқи күни, монтериял шәһиридә канададики хәлқара кишилик һоқуқ тәшкилатлиридин бири болған кишилик һоқуқ вә демократийә тәшкилатиниң юқири дәриҗилик мәсуллири билән көрүшүп, уларға уйғурларниң нөвәттики вәзийитини аңлатқан. Рабийә қадир ханим йәнә шу күни, канада дөләтлик телевизийиси SBC ниң франсозчә аңлитиш бөлүминиң зияритини қобул қилип, охшашла уйғурлар дуч келиватқан сиясий вәзийәт һәмдә кишилик һоқуқ, маарип вә пиланлиқ туғут вәзийити һәққидә доклат бәргән.

Рабийә қадир ханим шу күни кәчтә монтериялдики уйғур җамаити билән көрүшүп, уларниң өзи үчүн һазирлиған зияпитигә қатнашқан. Зияпәт җәрянида уйғурлар униң әтрапиға топлишип": биз бир қанчә йиллар илгири, сизниң сөрәтлириңизни көтүрүп, сиз үчүн намайишлар елип барған идуқ, мана әмди сиз хитай түрмисидин қутулуп чиқип, зулмәт астида яшаватқан хәлқиңизниң әркинлики үчүн күрәш қиливатисиз, биз сиздин пәхирлинимиз, сизниң һәққанийәт йолида елип бериватқан паалийәтлириңиз чоқум ғәлибә қазиниду"дейишкән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт