D u q ning re'isi rabiye qadir xanim kanadadiki pa'aliyetlirini axirlashturup, washin'gton'gha qaytip keldi
D u q ning re'isi, meshhur kishilik hoquq pa'aliyetchisi rabiye qadir xanim, kanadadiki bir heptilik ziyaritini axirlashturup, 14 - dékabir küni kechte washin'gton'gha qaytip keldi.
Dunya Uyghur qurultiyining mu'awin re'isi, kanada Uyghur jem'iyitining re'isi mememet toxti ependining bildürüshiche, rabiye qadir xanim kanada ziyaritining axirqi küni, montériyal shehiride kanadadiki xelq'ara kishilik hoquq teshkilatliridin biri bolghan kishilik hoquq we démokratiye teshkilatining yuqiri derijilik mes'ulliri bilen körüshüp, ulargha Uyghurlarning nöwettiki weziyitini anglatqan. Rabiye qadir xanim yene shu küni, kanada döletlik téléwiziyisi SBC ning fransozche anglitish bölümining ziyaritini qobul qilip, oxshashla Uyghurlar duch kéliwatqan siyasiy weziyet hemde kishilik hoquq, ma'arip we pilanliq tughut weziyiti heqqide doklat bergen.
Rabiye qadir xanim shu küni kechte montériyaldiki Uyghur jama'iti bilen körüshüp, ularning özi üchün hazirlighan ziyapitige qatnashqan. Ziyapet jeryanida Uyghurlar uning etrapigha topliship": biz bir qanche yillar ilgiri, sizning söretliringizni kötürüp, siz üchün namayishlar élip barghan iduq, mana emdi siz xitay türmisidin qutulup chiqip, zulmet astida yashawatqan xelqingizning erkinliki üchün küresh qiliwatisiz, biz sizdin pexirlinimiz, sizning heqqaniyet yolida élip bériwatqan pa'aliyetliringiz choqum ghelibe qazinidu"déyishken. (Eqide)
Munasiwetlik maqalilar
- Rabiye qadir xanim kanada parlaméntida Uyghurlarning kishilik hoquqi heqqide guwahliqtin ötti
- Uyghurlarning hoquqliri üchün köresh qilghuchi
- Rabiye qadir xanim kanadaning paytexti ottawada
- Rabiye xanim kanada bash minstiri stipan xarpér bilen körüshti
- Uyghur milliy herikitining rehbiri rabiye qadir xanim bügün kanadagha ketti
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- “Qanliq shawgu'en weqesi” ning 13 yilliq xatire küni: “Dunya bu weqeni untup qalmasliqi kérek”
- Xitay qaramayda tunji bolup sinaq qiliwatqan eqliy iqtidarliq charlighuchi mashina qandaq nerse?
