Rabiye qadir xanimning hayat kechürmishliri bayan qilin'ghan kitabni tonushturush murasimliri dawamlashmaqta

D u q ning re'isi, Uyghur milliy herikitining rehbiri rabiye qadir xanimning hayat kechürmishliri bayan qilin'ghan kitabning neshrdin chiqish munasiwiti bilen ötküzülüwatqan murasimlar gérmaniyide dawamlashmaqta.

Gérmaniyilik ataqliq yazghuchi aléksandira kawilu'is xanimning uzun waqit singdürgen japaliq ejri bedilige wujutqa kelgen mezkür kitab gérmaniyidiki eng meshhur xénéy neshryatida neshr qilinip kitabxanlar bilen yüz körüshti.

Rabiye qadir xanim , kitapning neshr qilinishi munasiwiti bilen bérlin we munxén sheherliride ötküzülgen murasimlarda söz qilip, xitay hökümiti teripidin millet süpitide yoq bolush xetirige duch kéliwatqan, özlirining échinishliq paji'elirini dunyagha anglitish hoquqidin mehrum qiliniwatqan Uyghurlarning awazini anglitish üchün yézilghan bu kitabning , yalghuz özining shexsy kechürmishliri bolup qalmastin, bir milletning , bir wetenning échinishliq sergüzeshtiliri ikenlikini bildürgen.

Murasimlargha xelq'ara kechürüm teshkilatining wekili dirk pléytér ependi we gérmaniye yéshillar partiyisining re'isi kla'udiya rotx xanim qatnashti we rabiye qadir xanimning ish ‏- izlirigha yuqiri baha bérip, xitayning 11 ‏- séntebir kürishidin paydilinip, ténch yosunda pa'aliyet élip bériwatqan Uyghurlarni qarilawatqanliqini tekitlidi.

Kitabning neshr qilinishi munasiwiti bilen élip bérilghan muxbirlarni kütiwélish yighinigha, gérmaniyidiki eng chong téléwiziye we gézit zhornallarning muxbirliri qatnashqan bolup, buningdin sirt rabiye qadir xanim yene 50 tin artuq muxbirning mexsus ziyaritini qobul qildi.

Rabiye qadir xanim 22 ‏- iyun küni, kitabning neshr qilinishi munasiwiti bilen shwétsiyining paytexti bern shehiride ötküzülidighan murasimgha qatnishidu. (Eqide)