Wal strit zhornal gézitide rabiye xanimning maqalisi élan qilindi

Uyghur milliy herikitining rehbiri rabiye qadir xanim, amérikida chiqidighan dangliq wal strit zhornal gézitide maqale élan qilip, xitay hökümitining uning perzentlirini qolgha élish arqiliq, özining xelq'arada Uyghur kishilik hoquq mesiliside élip bériwatqan pa'aliyetliridin intiqam alghanliqini bildürdi.

Rabiye qadir xanim maqali'iside mundaq deydu " xitay hökümiti 2005‏- yili mini amérika hökümitining bésimi bilen qoyup bérip, amérikigha yolgha saldi. Emma men amérikigha yolgha chiqishtin burun, xitay da'iriliri amérikigha barghandin kéyin, xitay hökümitige qarshi pa'aliyetlerge qatnashmasliqim toghrisida agahlandurup, eger bundaq pa'aliyetlerge qatniship, Uyghurlarning kishilik hoquq mesilsini kütürüp chiqsam, mining ballirimini we tijaritimni weyran qilidighanliqini eskertti. Men amérikigha kelgendin kéyin, xitay hökümitining tehditlirige pisent qilmay Uyghurlarning kishilik hoquqi mesilsidiki pa'aliyetlirimni dawamlashturdum. Özem erkinlikke érishkendin kéyin, wetinimde türmilerde yitiwatqan minglighan mehbusni erkinlikke érishturushni özemning wezipisi dep bildim.

Maqaliside, yéqinda, xitay hökümitining tehditlirini emelge ashurushqa bashlighanliqini tekitligen rabiye qadir xanim, xitay hökümiti oghullirim qahar abdurihim, ablikim abdurihim we alim abdurihimni qolgha élip, qizim roshen'gülni nezerbend qilish arqiliq, mendin we a'ilemdin intiqam aldi, dégen.

Rabiye qadir xanim, wal sitrit zhornal gézitide élan qilghan maqalisining axirida mundaq deydu " menmu bir ana, shunga oghullirimning aqibitidin endishe qiliwatimen. Chünki ular " döletni parchilashqa urunush" dégen'ge oxshash ölüm jazasi bérilidighan jinayet bilen eyiblen'gen. Xitay hökümiti bu jinayet bilen eyiblen'gen nurghunlighan Uyghurlarni ölüm jazasigha höküm qilip, hökümni derhal ijra qildi. Men, eger dunya jama'etchiliki qarshi chiqip bir tedbir qollanmisa, mining balilirimningmu mushundaq aqiwetke duch kélishidin endishe qilimen" . (Qanat)