Rabiye qadir xanim nobil mukati namzatliqigha körsitildi


2006.09.11

Erkinlikni arzu qiliwatqan xelqler özlirining mesilisini özliri tinch yol bilen hel qilishi kérek dep teshebbus qilip kéliwatqan Uyghur pa'aliyetchisi rabiye qadir xanim kéler qétimliq nobil mukapati namzatliqigha körsitildi. 'Amérika awazi'ning xewer qilishiche, hazir amérikida köchmenlik hayatini bashtin köchürüwatqan rabiye qadir xanimni nobil mukapati namzatliqigha körsetken shiwétsiye parlaminti ezasi annéliy énokson xanim 'rabiye qadir xanim xitayning shinjang Uyghur aptonom rayonidiki 8 milyundin artuq Uyghur ahalisi özlirining en'enisi, medeniyiti we diniy étiqadini özliri erkin dawamlashturushi kérek dep teshebbus qilip kelmekte. Rabiye qadir xanim hazir Uyghurlarning anisigha oxshash obrazgha ige. Uni emdi Uyghur xelqining tinchliqni qolgha keltüridighan awazining wekilige aylandurush nahayiti muhim'dégen.

Xewerde bayan qilinishiche, norwigiyidiki nobil mukapati inistitotining bashliqi gé'ir lundéstand ependining bayan qilishiche, u , bu yil 2 ‏- ayning 1 ‏-künidin burun nobil mukapatigha körsitilgen 191 neper kandidatning matériyalini tapshurup alghan. Bu inistétot nobil mukapatigha irishdighan kishini 10 ‏- ayning 13 ‏- künidin burun 5 qétim yighin échip bahalaydiken. Shuningdin kéyin, bu yilqi nobil mukapati murasimi 12 ‏- ayning 10 ‏-küni ötküzilidiken. Rabiye qadir xanim 2004 ‏- yili rafto kishilik hoquq mukapatigha érishken idi. Eger bu qétim rabiye xanim nobil mukapatigha irishse, u dunya buyiche nobil mukapatigha irishken 12 ‏- ayal bolup qalidu.

Xewerde bayan qilinishiche, orgini gérmaniyidiki dunya Uyghur qurultéyining bayanatchisi délshat rishit ependining bayan qilishiche, rabiye xanimning nobil mukapati namzatliqigha körsitilgenliki asiyadiki musulman qiz - ayallarning öz erkinliki we hoquqini qolgha keltürüsh kürishi üchünmu zor derijide ilham bolmaqta. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.