Рабийә қадир, нобел тинчлиқ мукапати үчүн елип берилған райи синашта көп авазға еришти

Норвигийиниң антара хәвәр агентлиқиниң бүгүн билдүрүшичә, мәркизи норвигийидики хәлқара тинчлиқ тәтқиқат иниститути вә хәлқаралиқ органлардин бир қанчиси бу йил көрситилгән нобел мукапати намзатлири үстидә хәлқ райини синаш паалийити елип барди.

2006 ‏- Йиллиқ нобел тинчлиқ мукапатиға кимниң еришидиғанлиқи 13 ‏- өктәбир күни елан қилиниду. Уйғур миллий һәрикитиниң рәһбири, кишилик һоқуқ паалийәтчиси рабийә қадир ханимниң мәзкур мукапатқа намзат болғанлиқи, уйғур хәлқини чәксиз сүйүндүрди. Дуняниң һәр қайси җайлиридики уйғурлар, кишилик һоқуқлири қаттиқ дәпсәндә қилиниватқан уйғурларниң вәкили һесабланған рабийә қадир ханимниң нобел мукапатиға лайиқ икәнликини билдүрүш билән биргә, нобел тинчлиқ мукапатиға рабийә ханимниң намзат көрситилишиниң өзи, уйғурлар үчүн мәнивий риғбәт икәнликини тәкитлиди.

Райи синашта, рабийә қадир ханим, һиндонезийә президенти йодһояно вә филландийиниң сабиқ президенти астиһаридин кейин үчүнчи күчлүк намзатлиққа тизилған. (Әқидә)