Rabiye qadir, nobél tinchliq mukapati üchün élip bérilghan rayi sinashta köp awazgha érishti

Norwigiyining antara xewer agéntliqining bügün bildürüshiche, merkizi norwigiyidiki xelq'ara tinchliq tetqiqat inistituti we xelq'araliq organlardin bir qanchisi bu yil körsitilgen nobél mukapati namzatliri üstide xelq rayini sinash pa'aliyiti élip bardi.

2006 ‏- Yilliq nobél tinchliq mukapatigha kimning érishidighanliqi 13 ‏- öktebir küni élan qilinidu. Uyghur milliy herikitining rehbiri, kishilik hoquq pa'aliyetchisi rabiye qadir xanimning mezkur mukapatqa namzat bolghanliqi, Uyghur xelqini cheksiz süyündürdi. Dunyaning her qaysi jayliridiki Uyghurlar, kishilik hoquqliri qattiq depsende qiliniwatqan Uyghurlarning wekili hésablan'ghan rabiye qadir xanimning nobél mukapatigha layiq ikenlikini bildürüsh bilen birge, nobél tinchliq mukapatigha rabiye xanimning namzat körsitilishining özi, Uyghurlar üchün meniwiy righbet ikenlikini tekitlidi.

Rayi sinashta, rabiye qadir xanim, hindonéziye prézidénti yodhoyano we fillandiyining sabiq prézidénti astiharidin kéyin üchünchi küchlük namzatliqqa tizilghan. (Eqide)