Rabiye qadir béyjing olimpik tenterbiye musabiqisini bayqut qilishni teshebbus qildi


2006.11.03
Share on WhatsApp
Share on WhatsApp

Meshhur kishilik hoquq pa'aliyetchisi we Uyghur milliy herikitining rehbiri rabiye qadir, tereplerni 2008 - yili béyjingda ötküzülidighan olimpik tenterbiye musabiqisini bayqut qilishqa chaqirdi. Uning eskertishiche, xitay Uyghurlarni üzlüksiz basturuwatqan, kishilik hoquqi depsendichiliki dawam qiliwatqan ehwalda olimpik yighinini béyjingda ötküzüsh toghra emes. U, xelq'arada béyjing olimpik yighinini bayqut qilish herikiti élip bérishni teshebbus qildi.

Uyghur aptonom rayoni partkomining sékritari wang léchüen 16 - öktebirde Uyghur öktichilirini basturushni meqsed qilghan"aldin'ala qol sélish, bash kötergen haman ujuqturush" siyasitining rayonda dawamliq yolgha qoyulidighanliqini bildürgen we uzun ötmey rabiye qadirning türmidiki 3 oghlini sotlighan idi.

Rabiye qadir xanim, norwigiye " bérgin tidendé" gézitining ziyaritini qobul qilghanda olimpik yighini heqqide toxtilip," men norwigiye olimpik komitétining kishilik hoquq depsendichilikke uchrawatqan ehwalda olimpik musabiqisini xitayda ötküzüshke bolmaydu, diyishini ümid qilimen " dédi. U, peyshenbe küni norwigiyining bérgin shehiride rafto mukapati tesis qilin'ghanliqining 20 yilliqini xatirilesh pa'aliyitige qatnashti.

Rabiye qadir, 2004 - yili bajyaxu ayallar türmiside yétiwatqan mezgilde bu mukapat uninggha bérilgen. U, " xitayni dewrimizde dunyadiki eng fashistik dölet dések ashuruwetken bolmaymiz " deydu. Rabiye qadir norwigiye kishilik hoquq xatirisini maxtidi we " xitaygha oxshash bir döletning olimpik musabiqisi ötküzüshini qandaqmu qobul qilghili bolsun " dep körsetti. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.