رابىيە قادىر خانىم خىتاي دائىرىلىرىدىن تۈرمىدىكى ئوغلىنى تۈرمىنىڭ سىرتىدا داۋالىنىشقا يول قويۇشىنى تەلەپ قىلدى


2007-12-12
Share

فرانسىيە ئاگېنتلىقىنىڭ بايان قىلىشىچە، مۇھاجىرەتتىكى ئۇيغۇر رەھبىرى رابىيە خانىم تۈرمىدىكى ئوغلى ئابلىكىم ئابدۇرېھىمنىڭ سالامەتلىكىدىن قايغۇرغانلىقى ئۈچۈن، خىتاي دائىرىلىرىدىن ئۇنى تۈرمىنىڭ سىرتىدا داۋالىنىشقا يول قويۇشىنى تەلەپ قىلدى.

خەۋەردە ئېيتىلىشىچە، ئۇيغۇر كىشىلىك ھوقۇق فوند جەمئىيىتى خىتاي ھۆكۈمىتى 'بۆلگۈنچى' دەپ قاماق جازاسىغا ھۆكۈم قىلغان ئابلىكىم ئابدۇرېھىمنىڭ تۈرمىدىكى ئەھۋالى ھەققىدە توختالغاندا، ئۇنى ئۇزۇندىن بۇيان كېسەل، گەرچە ھۆكۈمەت بۇ يىل 4 ‏- ئايدىن باشلاپ ئۇرۇق-تۇغقانلىرىنىڭ تۈرمىگە كېلىپ ئۇنى يوقلىشىغا رۇخسەت قىلغان بولسىمۇ، ئەمما ئۇنىڭ داۋالىنىشىغا سەل قاراپلا قالماي، بەلكى ئۇنى 'جىنايىتىنى تونۇش'قا مەجبۇرلاپ ھەرخىل قېيىن -قىستاققا ئېلىپ كەلمەكتە. ھازىر ئابلىكىم ئابدۇرېھىمنىڭ كېسىلى ئېغىرلىشىپ ھۇشسىز ھالەتتە ياتىدىغان، ئۇرۇق-تۇغقانلىرىنى تونۇيالمايدىغان دەرىجىگە يەتكەن.

خەۋەردە بايان قىلىنىشىچە، مۇتلەق كۆپ سانلىقى مۇسۇلمان 10 مىليون ئۇيغۇرنىڭ مۇھاجىرەتتىكى رەھبىرى رابىيە خانىم ئۆزىمۇ، 1990 ‏- يىللاردا خىتاي ھۆكۈمىتى تەرىپىدىن ئامېرىكا دۆلەت مەجلىسىنىڭ ۋەكىللەر ئۆمىكىگە 'دۆلەت مەخپىيەتلىكىنى ئاشكارىلىغان' دېگەن جىنايى نام بىلەن 8 يىللىق قاماق جازاسىغا ھۆكۈم قىلىنغان ئىدى. ئۇ 2005 ‏- يىلى قويۇپ بېرىلگەندىن كېيىن، دۇنيانىڭ ھەممە يېرىدە ئۇيغۇرلار ئۈچۈن سۆزلەپ، ئۇيغۇر مىللي ھەرىكىتىگە يېتەكچىلىك قىلىپ كەلگەچكە، خىتاي ھۆكۈمىتى ئۆزلۈكسىز ھالدا رابىيە خانىمغا بولغان ئۆچمەنلىكىنى ئىپادىلەپ كەلمەكتە. (ۋەلى)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت