Rabiye qadir xanim olimpik pa'aliyitining Uyghur élide ötküzülmeslikini telep qildi

 Mesh'el yetküzüsh pa'aliyitining kéler ayning axirida Uyghur élige yétip kélidighanliqini, shu munasiwet bilen yerlik hökümet tarmaqlirining Uyghurlargha qaritilghan her xil basturush heriketlirini kücheytkenlikini bildürgen rabiye qadir xanim:" xitay hökümiti sherqi türkistan'gha olimpik mesh'ilini élip kélish üchün Uyghurlarni éghir basturiwatidu" dégen we yerlik hökümet da'irilirining Uyghurlarning olimpik mesh'ili munasiwiti bilen tinch yosunda élip barghan naraziliq namayishliri tüpeyli nurghunlighan Uyghurlarning qolgha élin'ghanliqini, tutup turush orunlirigha solan'ghanliqini bildürgen.

Rabiye qadir xanim fransiye agéntliqigha bergen bayanatliri dawamida yene, mezkur tutqun qilishlarning yene, Uyghurlarning özliri yoluqiwatqan dert - elemlirini chet'el muxbirlirigha ashkarilap qoyushning aldini élishni meqset qilidighanliqini qoshumche qilghan.

Xitayning dölet ichide élip baridighan olimpik mesh'ilini yetküzüsh pa'aliyiti 25 - 27 iyun Uyghur élige yétip kélidighan bolup, biz igiligen melumatlargha qarighanda, xitay bixeterlik da'iriliri, mezkur pa'aliyetning bixeterlikini bahane qilip hazir Uyghur élining bezi sheherliride kéchiliri talagha chiqishni chekleshke oxshash tedbirlerni alghan.