Рабийә қадирниң аилидә нәзәрбәнд қилинған қизи дохтурханиға елип берилди
2006.06.06
Уйғур рәһбири рабийә қадирниң өткән һәптә хитай даирилири тәрипидин аилисидә нәзәрбәнд астиға елинған қизи рошәнгүл абдуреһим, саламәтлики начарлишип кәткәнлики сәвәбидин сәйшәнбә күни булақбеши йенидики аптоном районлуқ 2 - дохтурханиға елип берилди.
Рошәнгүл 1 - июндин бери булақбеши мәһәллисидики аилисидә хитай сақчилири тәрипидин нәзәрбәнд астида тутуп турулмақта иди. У, сәйшәнбә күни туюқсиз биарамлиқ һес қилишқа башлиған вә сақчиларниң назарити астида шу әтраптики 2 - дохтурханиға елип берилған. Һазирчә униң саламәтлик әһвали вә биарамлиқиға неминиң сәвәбчи болғанлиқи мәлум әмәс.
Рабийә қадир аилиси сақчилар тәрипидин тутуп кетилгән алим абдуреһим вә абликим абдуреһим исимлик икки оғлиниң һазирғичә из дерикини алалмиған. Сақчилар уларниң қәйәрдә тутуп туруливатқанлиқини елан қилмиди.
Рабийә қадирниң икки оғли билән қизи рошәнгүлләр америка дөләт мәҗлисиниң бир вәкилләр өмики үрүмчини зиярәт қилған күни хитай сақчилири тәрипидин уланбайға елип берилған вә шу йәрдә қолға елинған. Бу җәрянда сақчилар алим билән абликимни урған вә рошәнгүл аилисидә нәзәрбәнд қилинған иди.
Үрүмчини зиярәт қилған америка дөләт мәҗлиси вәкилләр өмики өткән җүмә күни америкиға қайтип кәлди. Игилишимизчә, рабийә қадир башчилиқидики 4 кишилик бир уйғур вәкилләр өмики дүшәнбә күни дөләт мәҗлисидә авам палата әзалири билән учришип, уйғур кишилик һоқуқи вәзийитиниң йеқинқи йүзлинишини музакирә қилған. (Әркин)
Мунасивәтлик мақалилар
- Хитай, рабийә қадирниң 2 оғлини рәсмий қолға алди
- Рабийә қадир: мән балилиримдин пәхирлинимән, биз бәдәл төләватимиз һәм төлишимиз зөрүр...
- Америка дөләт мәҗлисиниң үрүмчини зиярәт қилиш өмики зияритини йерим йолда тохтитип америкиға қайтти
- Америка : җуңго рабийә қадирниң пәрзәнтлирини дәрһал қоюп бериши керәк
- Рабийә қадирниң пәрзәнтлири хитай һөкүмитиниң зәрбисигә учриди