Rabiye qadirning yene bir oghlimu qolgha élindi
2006.06.15
Washin'gtondiki amérika Uyghur birleshmisining 15 - iyun küni bildürüshiche, xitay hökümiti rabiye qadir xanimning qahar abduréhim isimlik oghlinimu qolgha alghan.
Uyghurlarning milliy herikitining rehbiri rabiye qadir xanim, perzentlirining xitay hökümiti teripidin qolgha élin'ghanliqi heqqide toxtulup": xitay hökümiti méning gunahsiz balilirimni derhal qoyup bérishi kérek, méning amérikida kishilik hoquq üchün élip bériwatqan pa'aliyitim sewebidin balilirimgha yalghan töhmet chaplap, ularni qolgha élishi toghra hésablanmaydu" dédi.
Xitay saqchi da'iriliri 6 - ayning 1 - küni, rabiye qadir xanimning perzentliri ablikim we alimni qolgha élip, qizi roshen'gülni nezerbend qilghan idi. 13 - Iyun küni xitay saqchiliri yene tutush buyruqi chiqirip, rabiye xanimning chong oghli qahar abduréhimnimu aqsudiki oyidin qolgha élip, ürümchige élip kelgen.
Rabiye qadir xanimning éytishiche, xitay saqchiliri uning perzendliri üstidin oxshash bolmighan tutush buyruqliri chiqirip ,ularni döletning hakimyitini aghdurushqa urun'ghan, baj oghrilighan, soraq jeryanida maslashmighan dégen'ge oxshash jinayetler bilen eyibligen.
Uyghurlarning milliy rehbiri rabiye qadir xanim, xitay türmisidin qoyup bérilip erkinlikke chiqqandin béri, amérika we yawrupa elliride, xitay hökümi'itining Uyghur xelqining kishilik hoquqini éghir derijide depsende qiliwatqanliqini eyiblep, Uyghurlarning siyasiy, diniy we ma'arip hoquqlirini eslige keltürüsh üchün aktip pa'aliyetler élip bériwatqan idi.
Amérika Uyghur birleshmisining bildürüshiche, xitay da'iriliri, uning sherqiy türkistanda qalghan perzenlirige dawamliq türde türlük tehditlerni ishlitip, ularning bashqurushidiki rabiye qadir soda sariyi we eqide hessidarliq soda shirkitining tijaret élip bérishigha tosqunluq qilip kelgen. Uyghur közetküchiler "xitay da'iriliri rabiye qadir xanimning Uyghurlarning démokratiye we kishilik hoquqi üchün élip bériwatqan herketlirini toxtitish üchün, uning perzendlirini jazalap, rabiye qadir xanimgha zerbe bermekchi" déyishmekte. (Eqide)
Munasiwetlik maqalilar
- Rabiye qadir: men balilirimdin pexirlinimen, biz bedel tölewatimiz hem tölishimiz zörür...
- Xitay, rabiye qadirning 2 oghlini resmiy qolgha aldi
- Rabiye qadirning a'ilide nezerbend qilin'ghan qizi doxturxanigha élip bérildi
- Amérika dölet mejlisining ürümchini ziyaret qilish ömiki ziyaritini yérim yolda toxtitip amérikigha qaytti
- Amérika : junggo rabiye qadirning perzentlirini derhal qoyup bérishi kérek
Köp körülgen xewerler
RFA
- Abduweli ayup: “Xitaygha bérip kéliwatqan Uyghurlarning köpiyishi jiddiy mesile!”
- Turpan karizliri: Uyghurlardin ayrip, xitay shirketlirining paydisigha yüzlendürülüwatqan karizlar
- Hamutxan köktürk: xitayning puli bilen xitayning méhmani bolup weten'ge barghanlar sherqiy türkistan dewasigha xiyanet qilghan bolidu
- “Uyghur” namini özgertish némige zörür bolup qaldi?
- Kikbokschi abdusemet tewekkül: “Nishanim dunya chémpiyoni bolup, sherqiy türkistanni dunyagha tonutushtur”