Рабийә қадирниң пәрзәнтлири хитай һөкүмитиниң зәрбисигә учриди


2006-06-01
Share

Хәлқара уйғур кишилик һоқуқ вә демократийә фонди вә америка уйғур бирләшмисиниң рәиси рабийә қадир ханимниң пәрзәнтлири икки күндин бери хитай һөкүмити сақчи органлири тәрипидин назарәт астиға елинғандин сирт, рабийә қадирниң абликим исимлик оғли сақчилардин қаттиқ таяқ йигән, истансимизниң игилишичә алим һазир дохтурханида икән.

Чәтәлләрдә уйғурларниң демократийә вә кишилик һоқуқи үчүн паалийәт елип бериватқан уйғур тәшкилатлири һәмдә паалийәтчилириниң билдүрүшичә, хитай һөкүмитиниң рабийә қадирниң пәрзәнтлири үстидин елип бериватқан һәрикәтлири, болупму үрүмчидә тиҗарәт қиливатқан " әқидә" ширкитини 8 милйон 70 миң йүән баҗ оғрилиди дегән ялған пакитни ойдуруп чиқириши, бир тәрәптин рабийә қадирниң чәтәлдики образини хунукләштүрүш, йәнә бир тәрәптин униң пәрзәнтлирини җазалаш арқилиқ, рабийә қадирни америка һәмдә пүтүн дуняда уйғурлар үчүн паалийәт елип бериштин тохтитиш мәқсидигә йетиштин ибарәт икән.

Хитай һөкүмитиниң тәңритағ тори, 1 ‏- июн күни рабийә қадир вә униң пәрзәнтлири һәққидә хәвәр берип, хитай һөкүмитиниң рабийә қадирни нөвәттә чәтәлдики "үч хил күч"ләрниң каттибашлиридин бири, дәп әйиблигәнликини шуниңдәк сақчиларниң йәнә алим абдуреһим, абликим абдуреһимларни қолға алғанлиқини, рошәнгүл абдуреһимни қанун бойичә аилисдә нәзәрбәнд астиға алғанлиқини билдүргән.

Истансимизниң игилишичә, алим абдуреһим рәсмий қолған елинған, абликим сақчиларниң таяқ зәрбисидин дохтурханида йетип қалған. Рошәнгүл вә рабийә қадирниң нәврилири нәзәрбәндкә елинған икән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт