Rabiye qadir washin'gtonda a'ilisi bilen jem boldi

Aldinqi küni xitay hökümiti teripidin tuyuqsiz qoyup bérilgen ataghliq kishilik hoquq pa'aliyetchisi rabiye qadir, peyshenbe küni kechte washin'gtondiki régan xelq'ara aydurumigha kélip a'ilisi bilen jem boldi.

U, ayrodurumdiki qarshi élish murasimida muxbirlargha söz qilip, Uyghurlarning kishilik hoquqini qoghdash yolida dawamliq küresh qilidighanliqini bildürdi. Rabiye qadir mundaq deydu: "Méning qoyup bérilgenlikim xitay hökümitining kishilik hoquq xatirisini yaxshilash yolidiki qarshi élishqa tégishlik bir intilish, amma bu Uyghurlarda kishilik hoquqning yaxshilan'ghanliqidin dérek bermeydu" . Rabiye qadir washin'gton'gha kélish sepiride yene mundaq deydu: "Xitay hökümiti türmidiki barliq Uyghur siyasi mehbuslarni qoyup bérishi kérek. Bu ular üchün medeniy dunyadin orun élishta hazirlashqa tégishlik bir shert,"

Rabiye qadirning ayrodurumda muxbirlargha eskertishiche, Uyghurlarning kishilik hoquqini qoghdash yolida imkaniyitining bariche küresh qilish, uning buningdin kéyinki xizmiti bolidiken. U, Hazirqi eng jiddi mesililerning biri türmidiki siyasi mehbuslarni azat qilish, Dep körsetti.

Rabiye qadirning bildürüshiche, u aldinqi küni yérim kéchide ürümchidiki bajaxu ayallar türmisidin nechche on mashiniliq qorallar saqchilarning qoghdishi astida ürümchi ayrodurumigha mexpiy yallap apirilghan. Bu yerdin mexsus ayropilan bilen béyjinggha élip bérilghandin kéyin, shu küni béyjingdiki amérika elchixanisigha ötküzüp bérilgen. Rabiye qadir, amérika birleshme hawa yollirining ayrupilanigha olturup peyshenbe küni amérikigha keldi. (Erkin)