رابىيە قادىر، ئامېرىكا دۆلەتلىك ئاخبارات مەركىزىدە مۇخبىرلارنى كۈتۈۋېلىش يىغىنى ئۆتكۈزدى


2005-09-06
Share

خىتاي دۆلەت رەئىسى خۇ جىنتاۋ بۇ ئاينىڭ ئوتتۇرىلىرى نيۇ - يوركتا چاقىرىلىدىغان ب د ت باشلىقلار يىغىنىغا قاتنىشىش ھارپىسىدا، ئۇيغۇر كىشىلىك ھوقۇقى ۋە دېموكراتىيە ھەرىكىتىنىڭ رەھبىرى رابىيە قادىر، سەيشەنبە كۈنى ئامېرىكا دۆلەتلىك ئاخبارات مەركىزىدە مۇخبىرلارنى كۈتۈۋېلىش يىغىنى ئۆتكۈزۈپ، خىتاي ھۆكۈمىتىدىن ئۇيغۇر سىياسى مەھبۇسلارغا تەن جازاسى ۋە ئۆلۈم جازاسى بېرىش، ئۈرۈمچىدىكى ئائىلە - تاۋاباتى ۋە ئۇلارنىڭ سودىسىغا زىيانكەشلىك قىلىشنى توختىتىشنى تەلەپ قىلدى شۇنداقلا مۇخبىرلارنىڭ بۇ ھەقتىكى سۇئاللىرىغا جاۋاب بەردى.

"خىتاي كوممۇنىست ھۆكۈمىتى ئۇيغۇرلارنىڭ كىشىلىك ھوقۇقىنى دەپسەندە قىلىشنى، قولغا ئېلىش ۋە ئۆلۈم جازاسى بېرىشنى جىددىلەشتۈرمەكتە،" دەپ تەكىتلىگەن رابىيە قادىر، " 2004 - يىلى 9 - ئاينىڭ 15 - كۈنى شىنجاڭ پارتكومىنىڭ سېكرىتارى ۋاڭ لېچۈئەن، 22 سىياسى تەشكىلاتتىن 55 نەپەر ئۇيغۇر سىياسى مەھبۇسقا ئۆلۈم جازاسى بەرگەنلىكىنى تىلغا ئېلىپ، "ئۇلارنىڭ جىنايىتى نېمە؟ ۋاڭ لېچۈئەن بىزگە ئېيتىپ بېرىشى كېرەك،" دېدى.

رابىيە خانىم، ۋاڭ لېچۈئەننىڭ 25 - ئاۋغۇست كۈنى بېيجىڭدا ئېلان قىلغان باياناتىدىكى ئۆزى ۋە ئۇنىڭ "ئەقىدە شىركىتى" ھەققىدىكى سۆزلىرىنى "بۆھتان" دېدى. ئۇ يەنە، ۋاڭ لېچۈئەن "مېنىڭ ئامېرىكىدىكى ئۇيغۇر كىشىلىك ھوقۇقى پائالىيىتىمگە زەربە بەرمەكچى،" دېدى.

رابىيە قادىر ئاخىرىدا خىتاي ھۆكۈمىتىنىڭ سىياسى مەھبۇسلارغا ئۆلۈم جازاسى بېرىش، تەن جازاسى ۋە تۇتقۇن قىلىشنى توختىتىش، مەجبۇرى پىلانلىق تۇغۇتنى سىياسىتىنى بىكار قىلىش، دىنىي ئەركىنلىكنى قويۇۋېتىش قاتارلىق 11 تۈرلۈك مەسىلىگە جاۋاب بېرىشىنى تەلەپ قىلدى. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت