Rabiye qadir, amérika döletlik axbarat merkizide muxbirlarni kütüwélish yighini ötküzdi


2005-09-06
Share

Xitay dölet re'isi xu jintaw bu ayning otturiliri nyu - yorkta chaqirilidighan b d t bashliqlar yighinigha qatnishish harpisida, Uyghur kishilik hoquqi we démokratiye herikitining rehbiri rabiye qadir, seyshenbe küni amérika döletlik axbarat merkizide muxbirlarni kütüwélish yighini ötküzüp, xitay hökümitidin Uyghur siyasi mehbuslargha ten jazasi we ölüm jazasi bérish, ürümchidiki a'ile - tawabati we ularning sodisigha ziyankeshlik qilishni toxtitishni telep qildi shundaqla muxbirlarning bu heqtiki su'allirigha jawab berdi.

"Xitay kommunist hökümiti Uyghurlarning kishilik hoquqini depsende qilishni, qolgha élish we ölüm jazasi bérishni jiddileshtürmekte," dep tekitligen rabiye qadir, " 2004 - yili 9 - ayning 15 - küni shinjang partkomining sékritari wang léchü'en, 22 siyasi teshkilattin 55 neper Uyghur siyasi mehbusqa ölüm jazasi bergenlikini tilgha élip, "ularning jinayiti néme? wang léchü'en bizge éytip bérishi kérek," dédi.

Rabiye xanim, wang léchü'enning 25 - awghust küni béyjingda élan qilghan bayanatidiki özi we uning "eqide shirkiti" heqqidiki sözlirini "böhtan" dédi. U yene, wang léchü'en "méning amérikidiki Uyghur kishilik hoquqi pa'aliyitimge zerbe bermekchi," dédi.

Rabiye qadir axirida xitay hökümitining siyasi mehbuslargha ölüm jazasi bérish, ten jazasi we tutqun qilishni toxtitish, mejburi pilanliq tughutni siyasitini bikar qilish, diniy erkinlikni qoyuwétish qatarliq 11 türlük mesilige jawab bérishini telep qildi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet