Rabiye qadir xanim doxturxanidin qaytip chiqti


2006.01.11
Share on WhatsApp
Share on WhatsApp

Ötken hepte qatnash weqeside yarilan'ghan ataghliq kishilik hoquq pa'aliyetchisi rabiye qadir xanim 10‏-yanwar yeni héytning birinchi küni doxturxanidin chiqip, yoldishi we perzentliri bilen birlikte qurban héytini wirjiniyidiki öyide ötküzdi.

Ötken yili xitay hökümiti teripidin qoyup bérilgen rabiye qadir xanim 5‏- yanwar küni amérikining wirjiniye shitatidiki öyining etrapida qatnash weqesige uchrap yarilan'ghan idi.

Rabiye xanimning yoldishi sidiq haji rozi ependining radi'omizgha bildürüshiche, weqe shu küni kech sa'et 7 lerde yüz bergen bolup, u chaghda rabiye xanim katipi bilen washin'gtondiki ishxanisidin öyige qaytip kéliwatqan iken.

Weqe bir minibusning rabiye qadir xanimlar kéliwatqan yolgha qarshi tereptin kélip soquwétishi netijiside kélip chiqqan bolup, weqedin kéyin minibos shopuri qéchip ketken. Nöwette saqchilar weqe sadir qilghan shopurni izdimekte.

Weqede rabiye xanim yarilan'ghan bolsimu, bextke yarisha hayati ésen qalghan. Uning katipi bolsa, yinik derijide yarilan'ghan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet