"Rabiye qadir dewri" xitaylarni chöchütti


2007-01-19
Share

Uyghur aptonom rayoni ijtima'iy penler akadémiyisining yuqiri derijilik tetqiqatchisi pen jiping, xitay da'irilirini sherqiy türkistan milliy herikitining "rabiye qadir dewri" yétip kélish aldida turiwatqanliqi heqqide agahlandurdi. U, xitayni "rabiye qadir dewri" ning yétip kélishidin saqlinishqa chaqirghan bolsimu, lékin qandaq saqlinish kéreklikini tilgha almidi.

Shinjang ijtima'iy penler akadémiyisi ottura asiya tetqiqat ornining mudiri pen jiping, chet'eldiki sherqiy türkistan küchlirining tertipke sélinish qedimini tézlitiwatqanliqini eskertip, pat yéqinda "rabiye qadir dewri" bashlinidighanliqini agahlandurdi. U, teywende chiqidighan "jonggo waqti géziti" ning muxbirigha Uyghur milliy herikitining rehbiri rabiye qadirni milletchi, dep eyiblidi we xitay da'irilirini rabiye qadirning nobél tinchliq mukapatigha qayta namzat qilip körsitilishidin saqlinishqa chaqirdi. U," buninggha hergiz sel qarashqa bolmaydu," deydu.

Uyghur aptonom rayoni partkomining mu'awin sékrétari nur bekri yéqinda rabiye qadirni Uyghurlarning anisi bolalmaydu, dep eyibligen bolsimu, lékin pen jiping, rabiye qadirning Uyghur xelqi ichidiki tesir küchini étirap qildi. U, "rabiye qadir bir milletchi, uning shinjangda melum ijtima'iy orni bar shundaqla Uyghurlar ichide tesirge ige. Amérikiliqlarmu qollaydighan shexs," dep körsetti.

Bu xitay küzetküchilirining yéqindin béri élan qilghan rabiye qadir heqqidiki birdin bir bahasi emes. Yéqinda xitaylarning suxo tor bétidiki bir maqalida " jonggoning qarshi turmaqchi boliwatqini chichilangqu we parche- purat halettiki sherqiy türkistanchi unsurlar emes, belki teshkillesh iqtidari nahayiti küchlük we qabiliyetlik rabiye qadir yétekchilik qiliwatqan yéngi sherqiy türkistanchilardur," deydu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet