Rabiye qadirning terjimihali uzun bolmighan kelgüside neshrdin chiqmaqchi

Uyghur kishilik hoquqi rehbiri rabiye qadir gérmaniyidiki on künlük xizmet sepiridin kéyin peyshenbe küni amérikigha qaytip keldi. Uning bu qétimqi gérmaniye sepiri asasliqi gérmaniyidiki bir neshriyat shirkiti bilen tüzgen kélishim boyiche, uning terjimihalini yézip püttürüshni meqsed qilghan. Uning terjimihalini yézish xizmiti buningdin bir qanche aylar burun bashlan'ghan idi.

Igilishimizche bu qétim u gérmaniyige bérip terjimihalining axirqi qisimini yézip püttürüwetken bolushi mumkin. Kélishim boyiche kitabni neshr qilidighan shirket in'gilizche, gérmanche we bir qanche yawropa tillirigha terjime qilip neshr qilish hoquqini saqlap qalidiken. Kitabning uzun bolmighan kélechekte neshrdin chiqidighanliqi perez qilinmaqta.

Kitabta rabiye qadirning qandaq qilip bir a'ile ayali bolushtin Uyghurlar ichidiki eng meshhur karxanichi bolghanliqi, xitay siyasi meslihet kéngishining da'imi ezaliqidin qandaq qilip Uyghur kishilik hoquq pa'aliyetchisige aylan'ghanliqi uning béshidin ötken dramatik weqeler bilen yorutulghan.

Kitabqa rabiye qadir hazirghiche ashkarilimighan junggo hökümiti we Uyghur aptonom rayoni da'irilirining yuqiri qatlimidiki Uyghur mesilisige da'ir nurghun sezgür weqelikler we siyasiy küreshler kirgüzülmekchi. (Erkin)