رابىيە قادىر خانىم خىتاي ھۆكۈمىتىنىڭ ئەيىبلىشىگە قايتا رەددىيە بەردى


2005-09-14
Share

ئۇيغۇرلارنىڭ ئاتاقلىق كىشىلىك ھوقۇق پائالىيەتچىسى رابىيە قادىر خانىم چارشەنبە كۈنى ئامېرىكىدا چىقىدىغان " مەملىكەتكە نەزەر ژورنىلى" نىڭ تور بېتىدا ماقالە ئېلان قىلىپ، خىتاي ھۆكۈمىتىنىڭ ئۆزىنى " تېررورىست" دەپ ئەيىبلىشىگە قايتا رەددىيە بەردى.

ئۇيغۇر ئاپتونۇم رايونلۇق پارتكوم سېكرىتارى ۋاڭ لېچۈەن ئۆتكەن بېيجىڭدا بەرگەن ئاخبارات ئېلان قىلىش يىغىنىدا، رابىيە قادىر خانىمنى " تېررورلۇق پائالىيەتلەرنى ئېلىپ بېرىشنى پىلانلىدى" دەپ ئەيىبلىگەن ئىدى.

ئەمما رابىيە قادىر خانىم ئىنگىلىز تىلىغا تەرجىمە قىلىنغان مەزكۇر ماقالىسىدە مۇنداق دەيدۇ: " خىتاي ھۆكۈمىتى مېنى تېررورىست دەۋاتىدۇ.... دۇنيانى ئۆزىنىڭ توقۇغان سەپسەتىلىرىگە ئىشەندۈرۈش ئۈچۈن قاتتىق ئۇرۇنىۋاتىدۇ... خىتاي ھۆكۈمىتى ھەتتا دالاي لامانىمۇ تېررورىست دەپ ئاتىغان. ئىشىنىمەنكى، مەن ئۇلار تېررورىست دەپ ئەيىبلىگەن ئاخىرقى كىشى ئەمەس" .

رابىيە خانىم يەنە، ئۆزىنىڭ ئۇيغۇر ئېلىدىكى كىشىلىك ھوقۇق ۋەزىيىتىنى خەلقئاراغا ئاشكارىلىشىدىن ئەنسىرىگەن خىتاي ھۆكۈمىتىنىڭ ئاخىرى ئۇنى تۈرمىگە تاشلىغانلىقىنى ئەسكەرتكەن. ئۇ ماقالىسىدە يەنە مۇنداق دېگەن:" مەن خىتاي ھۆكۈمىتى ياش ئۇيغۇر ئانىلىرىنىڭ قورسىقىدىكى ھامىلىسىنى مەجبۇرىي چۈشۈرگەندە، ئۇيغۇر مەدەنىيىتىگە ئائىت كىتابلارنى كۆيدۈرگەندە، شۇنداقلا خىتاي ھۆكۈمىتىگە قارشى چىققان ئۇيغۇرلارنى " تېررورىست" دەپ ئۆلتۈرگەندە ، ئۇيغۇرلارنىڭ بېشىغا كەلگەن بۇ كۈلپەتلەردىن قاتتىق چۆچۈدۈم" .

رابىيە قادىر خانىم ماقالىسىنىڭ ئاخىرىدا، خىتاي دۆلەت رەئىسى خۇ جىنتاۋنىڭ پەيشەنبە كۈنى ب د ت باشلىقلار يىغىنىدا بېرىدىغان نۇتۇقىدا ئۇيغۇرلارنىڭ ۋەزىيىتى ھەققىدە ھەققانىي سۆز قىلىشقا چاقىردى. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت