Рабийә қадир ханим хитай һөкүмитиниң әйиблишигә қайта рәддийә бәрди


2005.09.14
Share on WhatsApp
Share on WhatsApp

Уйғурларниң атақлиқ кишилик һоқуқ паалийәтчиси рабийә қадир ханим чаршәнбә күни америкида чиқидиған " мәмликәткә нәзәр жорнили" ниң тор бетида мақалә елан қилип, хитай һөкүмитиниң өзини " террорист" дәп әйиблишигә қайта рәддийә бәрди.

Уйғур аптонум районлуқ партком секритари ваң лечүән өткән бейҗиңда бәргән ахбарат елан қилиш йиғинида, рабийә қадир ханимни " террорлуқ паалийәтләрни елип беришни пиланлиди" дәп әйиблигән иди.

Әмма рабийә қадир ханим ингилиз тилиға тәрҗимә қилинған мәзкур мақалисидә мундақ дәйду: " хитай һөкүмити мени террорист дәватиду.... Дуняни өзиниң тоқуған сәпсәтилиригә ишәндүрүш үчүн қаттиқ уруниватиду... Хитай һөкүмити һәтта далай ламаниму террорист дәп атиған. Ишинимәнки, мән улар террорист дәп әйиблигән ахирқи киши әмәс" .

Рабийә ханим йәнә, өзиниң уйғур елидики кишилик һоқуқ вәзийитини хәлқараға ашкарилишидин әнсиригән хитай һөкүмитиниң ахири уни түрмигә ташлиғанлиқини әскәрткән. У мақалисидә йәнә мундақ дегән:" мән хитай һөкүмити яш уйғур анилириниң қорсиқидики һамилисини мәҗбурий чүшүргәндә, уйғур мәдәнийитигә аит китабларни көйдүргәндә, шундақла хитай һөкүмитигә қарши чиққан уйғурларни " террорист" дәп өлтүргәндә , уйғурларниң бешиға кәлгән бу күлпәтләрдин қаттиқ чөчүдүм" .

Рабийә қадир ханим мақалисиниң ахирида, хитай дөләт рәиси ху җинтавниң пәйшәнбә күни б д т башлиқлар йиғинида беридиған нутуқида уйғурларниң вәзийити һәққидә һәққаний сөз қилишқа чақирди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.