Rabiye qadir xanimning bi'ografiyisi gérmaniyide neshir qilindi


2007-06-17
Share

D u q re'isi, Uyghur milliy herikitining rehbiri rabiye qadir xanimning hayati ekis ettürülgen, 430 betlik chong hejimlik kitab gérmaniyidiki " heney neshiriyati "teripidin neshir qilinip tarqitilish aldida turmaqta. Kitab gérmaniye yazghuchisi aléksandra ka'éluyis teripidin qelemge élin'ghan bolup, rabiye qadir kitabning yézilishi jeryanida bir qanche qétim gérmaniyige bérip, aptor bilen uchriship, özining béshidin ötken pütün weqelerni sözlep bergen hemde kitabning yézilishigha bashtin axiri igidarchiliq qilghan. Mezkur kitab rabiye qadirning gherb dunyasida meydan'gha kelgen tunji toluq terjimihali bolup, pilan boyiche mezkur kitab in'gliz, fransuz qatarliq bashqa gherb tillirighimu terjime qilinip neshir qilinmaqchi.

Kitabta peqetla rabiye qadirning terjimihali ekis ettürülgen bolmastin belki, uningda Uyghur xelqining bésip ötken murekkep tarixiy jeryanlirimu we mesililirimu yorutulghanliqi üchün gherblikler bu kitabni oqush arqiliq Uyghur xelqi heqqidimu etrapliq chüshenchilerge ige bolalaydiken.

Bu kitab neshir qilinish munasiwiti bilen rabiye xanim rabiye xanim 6-ayning 17- küni gérmaniyining paytexti bérlin' ge yétip kélip, 19- iyun bérlinde, jumhuriyetlik metbu'at sariyida, 20- iyun myunxéndiki , edebiyatchilar sariyida we 22- iyun küni shiwitsariyining paytexti bern sheherliride ötküzülidighan kitabning neshir qilinish we tonushturush murasimlirigha qatnishidu.

Bu murasimlargha gérmaniye, shwétsariye parlaméntlirining ezaliri, siyasiy partiyilerning rehberliri, siyasetchiler, alimlar, edibler, zhurnalistlar shuningdek shu jaylarda turushluq Uyghurlar ishtirak qilidu.

D u q ning xewirige asaslan'ghanda, kitabning myunxéndiki neshir qilinish murasimigha "heney neshriyati", edebiyatchilar birleshmisi we dunya Uyghur qurultiyi birlikte sahibxanliq qilidiken.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet