"Washin'gton pochta géziti" rabiye qadirni tonushturdi

Amérikida chiqidighan dangliq "washin'gton pochta géziti" ning charshenbe künidiki sanida rabiye qadir heqqide mexsus bir parche maqale élan qilinip, uning xitay türmisidiki azab-oqubetliri körsitilgen.

Maqalida xitay hökümitining, gézit élip mangghan rabiye qadirni "dölet mexpiyetlikini ashkarilashqa urun'ghan" dégen jinayet bilen eyiblep, uninggha 8 yilliq qamaq jazasi bergenliki hemde xitayning amérikigha, b d t ning jenwediki yighinida xitayni eyibleydighan qarar layihisini sunmasliqni shert qilip turup andin uni qoyup bergenliki yézilghan.

"Washin'gton pochta géziti"de élan qilin'ghan bu maqalida yene, rabiye xanimning türmidiki chéghida uninggha eng tesir qilghan bir ishni misal keltürgen. Uningda körsitilishiche, xitay saqchiliri teripidin qattiq qiyin-qistaqqa élin'ghan 21 yashliq bir Uyghur bala türmide rabiye xanimni körüp, uninggha " siz bu yerde néme qilisiz, ana? manga oxshash yash balilar sizdek anilarni dep türmilerde yétiwatsaq" dégen. Rabiye xanim buni anglap özini tutalmay yighlap ketken.

Maqalida yene, rabiye xanimning türmide ten-salametlikining yaxshi bolmasliqi bir yaqta qélip, uning sözlishige ruxset qilinmighanliqi uning üchün eng éghir jaza bolghanliqi shundaqla xitaylarning uni qoyup bérish aldidimu, uninggha amérikida siyasiy témilarda gep qilmasliq heqqide tehdit salghanliqi yézilghan. (Peride)