Rabiye qadir, wang léchüenning eyibleshlirini qet'iy ret qildi


2005-08-28
Share

Ataghliq Uyghur pa'aliyetchisi, Uyghurlarning meniwi anisi bolghan rabiye qadir xanim, xitayning Uyghur aptonom rayonidiki partkom sékritari wang léchüenning eyibleshlirini qet'iy ret qilip, wangning sözlirining pütünley töhmet ikenlikini bildürdi.

Rabiye qadir fransiye axbarat agéntliqigha, wang léchüenning uni, térrorluq pa'aliyetlirini orunlashturushni pilanlighan dep eyiblishining héchqandaq asasi yoqliqini éytip, "xitay hökümitining Uyghurlarning kishilik hoquqini qandaq basturiwatqanliqini pash qilish, hergizmu térrorchiliq bolmaydu" dep bildürdi.

Rabiye qadir yene, xitay hökümitining meqsitining uninggha mushundaq qara chaplash arqiliq, uni xelq'ara jama'itining aldida zuwan chiqartquzmasliq ikenlikini bildürdi. Emma u, xitayning bu wastiliridin hergizmu qorqup qalmaydighanliqini, özini Uyghur xelqining kishilik hoquq dawasigha adaqqiche atiwetkelikini tekitlidi.

Xitay kompartiyisi merkizi komitétining siyasiy byuro ezasi, Uyghur aptonom rayonining partkom sékritari wang léchüen, Uyghur aptonom rayoni qurulghanliqining 50 yilliqi munasiwiti bilen 25 - awghust küni béyjingda ötküzülgen axbarat élan qilish yighinida, rabiye qadirni gérmaniyidiki dunya Uyghur qurultiyining 2 - qétimliq yighinida, bu yerdiki térrorchi teshkilatlarning rehberliri bilen birliship, aptonom rayon qurulghanliqining 50 yilliqi mezgilide, térrorluq pa'aliyetlerni qandaq orunlashturush heqqide kéchiche meslihetleshken dep eyibligen idi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet