Вашингтондики уйғурлар рабийә қадир ханимни күтүвалди


2005-03-17
Share

Уйғур кишилик һоқуқ паалийәтчиси рабийә қадир ханим қоюп берилгәндин кейин, бүгүн чүштин кейин саәт 5:30 америкиниң чикаго шәһиригә йетип келип, бирқанчә саәт тохтиғандин кейин, америкиниң пайтәхти вашингтонға келидиған айропиланға алмишип, саәт 10:35 өткәндә йетип кәлди.

Рабийә ханимниң йолдиши сидиқ һаҗи рози вә пәрзәнтлиригә қошулуп, вашингтон шәһириниң әтрапида олтурақлашқан уйғурлардин йүздин артуқ киши, хәлқаралиқ инсан һәқлири тәшкилатиниң вәкиллири, һәрқайши хәвәр агентлиқлириниң мухбирлири вашингтондики рәган хәлқаралиқ айродурумиға чиқип, қоллирида гүлләрни елип рабийә қадир ханимни күтүвалди. Күтүвалғучилар "рабийә қадир" дәп товлишип, өзлириниң һөрмәткә сазавәр бу уйғур анисиға болған еһтирами, сеғиниши вә униң азадлиққа чиққанлиқиға болған хошаллиқини билдүрүшти.

Рабийә қадир ханим буниңдин икки күн бурун хитай даирлири тәрипидин қоюп берилиши һәққидики хәвәргә игә болған болуп, 15-числа үрүмчидики балилири билән қисқиғина көрүшүш пурситигә игә болған. Бирақ, балилириға өзиниң америкиға маңидиғанлиқи һәққидә ейталмиған.

Радиомиз, рабийә қадир ханим һәққидики әң йеңи хәвәрләрни давамлиқ диққитиңларға суниду. Рабийә қадир ханим һәққидики биринчи қол хәвәрләрдин давамлиқ хәвәрдар болуп турушни халисиңиз, тор бетимизни зиярәт қилип туруң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт