Washin'gtondiki Uyghurlar rabiye qadir xanimni kütüwaldi

Uyghur kishilik hoquq pa'aliyetchisi rabiye qadir xanim qoyup bérilgendin kéyin, bügün chüshtin kéyin sa'et 5:30 amérikining chikago shehirige yétip kélip, birqanche sa'et toxtighandin kéyin, amérikining paytexti washin'gton'gha kélidighan ayropilan'gha almiship, sa'et 10:35 ötkende yétip keldi.

Rabiye xanimning yoldishi sidiq haji rozi we perzentlirige qoshulup, washin'gton shehirining etrapida olturaqlashqan Uyghurlardin yüzdin artuq kishi, xelq'araliq insan heqliri teshkilatining wekilliri, herqayshi xewer agéntliqlirining muxbirliri washin'gtondiki regan xelq'araliq ayrodurumigha chiqip, qollirida güllerni élip rabiye qadir xanimni kütüwaldi. Kütüwalghuchilar "rabiye qadir" dep towliship, özlirining hörmetke sazawer bu Uyghur anisigha bolghan éhtirami, séghinishi we uning azadliqqa chiqqanliqigha bolghan xoshalliqini bildürüshti.

Rabiye qadir xanim buningdin ikki kün burun xitay da'irliri teripidin qoyup bérilishi heqqidiki xewerge ige bolghan bolup, 15-chisla ürümchidiki baliliri bilen qisqighina körüshüsh pursitige ige bolghan. Biraq, balilirigha özining amérikigha mangidighanliqi heqqide éytalmighan.

Radi'omiz, rabiye qadir xanim heqqidiki eng yéngi xewerlerni dawamliq diqqitinglargha sunidu. Rabiye qadir xanim heqqidiki birinchi qol xewerlerdin dawamliq xewerdar bolup turushni xalisingiz, tor bétimizni ziyaret qilip turung.