Rabiye qadir xanim washin'gton pochtisi gézitide maqale élan qildi


2008-04-01
Share

Uyghur milliy herikitining rehbiri we dunya Uyghur qurultiyining re'isi rabiye qadir xanim, amérikida chiqidighan dangliq washin'gton pochtisi gézitide maqale élan qilip, yéqinda tibette yüz bergen weqelerni 1997‏ - yili sherqiy türkistanning ghulja shehiride yüz bergen weqeler bilen sélishturghan.

Maqaliside, dunya jama'etchiliki, tinchliq bilen namayish ötküzgen tibetlik rahiblarning xitay armiyisi teripidin qandaq wehshiylik bilen basturulghanliqini qorqunch we wehime ichide közetti dep körsetken rabiye qadir xanim" téléwizordiki namayish we qanliq toqunush körünüshlirini körginimde hayatimning eng muhim burulush nuqtisini ésimge aldim" dégen.

Maqaliside, xitay da'irilirining, 1997‏ - yili féwral éyida, sherqiy türkistanning ghulja shehiride, erkinlik, barawerlik, insani heq - hoquq telep qilip namayish ötküzgen minglighan Uyghur yashlirini qoralliq basturghanliqini, aman qalghanlirini tutqun qilip, yüzligen Uyghur yashlirini ölüm jazasigha höküm qilip, étip öltürgenlikini eskertken rabiye qadir xanim " men ghuljidiki qanliq basturushta öltürülgen Uyghurlarning a'ililirige ichin'ghinmdek, tibettiki tinchliq bilen ötküzülgen namayishta, xitay saqchiliri teripidin öltürülgen tibetlerning a'ilisige échinimen, chünki men qiz - oghulliri namayishta étip öltürülgen Uyghur ata - anilarning yighisini anglidim" deydu.

Maqaliside, Uyghur we tibetlerni xitay hakimiyiti astida, insani heq - hoquqliridin mehrum halda yashawatqan ikki teqdirdash xelq dep körsetken rabiye xanim, béyjing hökümiti olimpik arqiliq xitayni dunyagha inaq bir jem'iyet qilip körsitip, özining qanliq hakimiyitini yoshurushqa urunuwatidu. Lékin inaq jem'iyet héchqachan xitay hökümitining sherqiy türkistan we tibetke qaratqan siyasiti bilen qurulmaydu" dégen. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet