Uyghur milliy herikitining rehbiri rabiye qadir xanim yaponiyidiki ziyaritini dawamlashturmaqta

Yaponiyidiki ziyaritini dawamlashturuwatqan Uyghur milliy herikitining rehbiri we dunya Uyghur qurultiyining re'isi rabiye qadir xanim, jüme küni, xelq'ara kechürüm teshkilati teripidin yaponiyining korashiki shehiride uyushturulghan yighin'gha qatnashti.

Rabiye qadir xanim, korashiki shehiride sözligen nutqida, Uyghurlarning özige xas tili, diniy we medeniyiti bar bir millet ikenlikini tekitlep, Uyghur wetinining 1949‏- yili xitay kommunistliri teripidin stalinning yardimi bilen bésiwilin'ghanliqini bildürgen. U, yighinda Uyghurlarning nöwettiki ehwali we xitay hökümitining Uyghur milliy we diniy kimlikini we Uyghur medeniyitini yuq qilish siyasiti üstide toxtulup: pilanliq tughut mesilisi, siyasiy mehbuslargha ölüm jazasi bérish mesilsi'i,milliy ma'aripni xitaylashturush mesilsi'i, Uyghur qizlirini xitayning ichkiri ölkilirige yötkesh mesilsi'i, shangxey hemkarliqi teshkilatining qurulushidiki meqsetler qatarliq mesililerni otturigha qoyghan.

Rabiye qadir xanim sözining axirida, yaponiye xelqi, parlaminti we hökümitidin Uyghurlargha qaratqan basturush herikitini toxtitishi üchün, xitay hökümitige bésim ishlitishini telep qilghan. (Ömer qanat)