Rabiye qadir xanim shiwétsariyini ziyaret qildi


2007-10-26
Share

Uyghur milliy herikitining rehbiri, dunya Uyghur qurultiyi re'isi rabiye qadir xanim jüme küni bir heptilik gérmaniye ziyaritini axirlashturup, shu küni shiwétsariyining jenwe shehirige yétip keldi.

Rabiye qadir xanimning shwétsiye ziyariti xelq'ara kechürüm teshkilati teripidin orunlashturulghan bolup, u ziyaret jeryanida shwétsariyidiki ammiwi teshkilatlar bilen uchrashti hem b d t ning jenwediki kishilik hoquqni közitishke mes'ul xadimliri shundaqla shwétsariye hökümet emeldarliri bilen söhbet élip bardi.

Rabiye xanim shu küni b d t musapirlar idarisidiki xadimlar bilen uchriship, güentanamodiki Uyghurlar we her qaysi ellerde kimliksiz sergerdan bolup yürüwatqan Uyghur musapirlar mesilisini körüshken. Rabiye xanim, ötken bir heptilik gérmaniye sepiride hamburg qatarliq jaylarni ziyaret qildi we gérmaniyining medeniyet, kishilik hoquq, neshriyat hem siyasi sahesidiki erbaplar bilen bir qatar uchrishishlarni élip bardi shundaqla gérmaniye metbu'atlirining ziyaritini qobul qildi. U, gérmaniye metbu'atlirigha bergen bayanatida tibet rohaniy dahisi dalay lamaning 8 ‏- aydiki gérmaniye ziyariti heqqide toxtilip, gérmaniye bash ministiri an'géla mérkélning dalay lamani bash ministirliq ishxanisida qobul qilghanliqini "jesür" heriket, dep maxtighan.

Igilishimizche, rabiye xanim, bu sepiride yene , b d t ning jenwediki kishilik hoquqni közetküchi xadimliri we shwétsiye da'irilirige Uyghur siyasiy mehbuslar mesilisi, ölüm jazasi, mehbuslargha ten jazasi bérish, adem etkeschiliki, Uyghur qizlar mesilisi, pilanliq tughut siyasiti qatarliqlarni otturigha qoyghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet