Rabiye qadir xanim yawrupa ziyaritini bashlidi

6‏ - Ayning 21‏ - küni yawrupa döletlirige qaratqan 6 künlük ziyaritini bashlighan Uyghur milliy herikitining rehbiri we dunya Uyghur qurultiyining re'isi rabiye qadir xanim, shenbe küni gérmaniyining frankfort shehiride ötküzülgen, yawrupa sherqiy türkistan birliki teshkilatining yilliq yighinigha qatnashti.
Muxbirimiz ömer qanat xewiri
2008-06-21
Share

 Dunya Uyghur qurultiyining bash katibi dolqun eysa ependining bildürüshiche, gérmaniyidiki kishilik hoquq teshkilatliri we gérmaniyide pa'aliyet élip bériwatqan bezi türk teshkilatlirining wekilliri shuningdek gérmaniyining her qaysi sheherliridin kelgen Uyghurlar qatnashqan yighinda söz qilghan rabiye qadir xanim, Uyghurlarni birlik we ittipaqliqqa chaqirip, yawrupa döletliridin bolupmu gérmaniye hökümitidin Uyghurlar ning milliy kimliki, diniy, medeniyiti we tilini yoqitishni meqset qilghan siyasitini özgertishi üchün xitay hökümitige bésim ishlitishini telep qilghan.
 
Dolqun eysa ependining éytishiche, rabiye qadir xanim yene yawrupa döletliride bolupmu gérmaniyide pa'aliyet élip bériwatqan kishilik hoquq teshkilatlirini Uyghurlar mesilsige téximu köp köngül bölüshke hemde Uyghurlarning ehwalini yawrupa xelqlirige anglitish we ularning Uyghurlargha bolghan hésdashliqini qozghash üchün, özlirining kishilik hoquq pa'aliyetlirini, eng eqelli hoquqliridin mehrum halda yashawatqan Uyghurlargha merkezleshtürüshke chaqirghan.

Igileshlerge qarighanda, yighinda süz qilghan gérmaniyidiki kishilik hoquq teshkilatlirining wekilliri, bundin kéyin Uyghurlar mesilsige alahide köngül bölidighanliqini tekitligen.

Gérmaniye metbu'ati, sherqiy türkistan yawrupa ittipaqining yighindin kéyin, ötküzülgen muxbirlarni kütüwélish yighinigha alahide köngül bölgen bolup, yighin'gha nurghunlighan radi'o, téléwiziye we gézitlerning muxbirliri qatnashqan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet