Rafto fondi jem'iyiti rehberliri erkin asiya radi'osini ziyaret qildi


2005-01-26
Share
rfa.jpg
Rafto fondi jem'iyiti rehberliri erkin asiya radi'osini ziyaret qildi

Uyghur karxanichi we kishilik hoquq pa'aliyetchisi rabiye qadir xanimgha xelq'ara rafto mukapatini bergen norwigiyidiki rafto fondi jem'iyitining rehberliri charshenbe küni erkin asiya radi'osini ziyaret qilip, istansimizning rehberliri we Uyghur bölümi xadimliri bilen söhbetleshti.

Rafto fondi jem'iyitining re'isi arniy lin'gard bu qétimliq amérika sepirini tonushturup, özlirining rabiye qadirgha bérilgen bu rafto mukapatini rabiye xanimning yoldishi sidiq haji rozi ependige yetküzüsh üchün amérikigha kelgenlikini bildürdi.

Lin'gard ependi sözide, özlirining buningdin kéyinmu, rabiye qadir mesilisi we Uyghurlarning kishilik hoquq weziyitige yéqindin köngül bölüp, bu heqte dawamliq pa'aliyet élip bérishni pilanlawatqanliqini éytti.

Rafto fondi jem'iyiti charshenbe küni kechte, amérika dölet mejliside rafto mukapatini tarqitish murasimi ötküzmekchi. Bu murasimgha yene, Uyghurlarning dawasigha yéqindin köngül böliwatqan amérika dölet mejlisi awam palata ezasi tom lentos qatarliq bir qanche dölet mejlisi ezaliri qatnashmaqchi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet