Рамизан мәзгилидә алий мәктәпләрдики уйғур оқуғучиларниң роза тутуши чәкләнгән


2007-09-25
Share

Хитай һөкүмити уйғур оқуғучиларниң роза тутушини қаттиқ чәклигән болуп , бу мәзгилидә уйғур илидики алий мәктәпләрниң түзүми алаһидә чиң тутулмақта.

Уйғур илидин кәлгән инкасларға қариғанда, қәшқәр пидагогика иниститути бу йил рамизан мәзгилидә оқуғучиларни мәктәп ичигә солап қойған , оқуғучиларниң сиртқа чиқиш үчүн, факултетниң тамғиси бесилған рухсәтнамә елиши, буниңдин сирт оқуғучиларниң бирликтә тамақ йийиши шәрт қилинип, сәһәр туруши чәкләнгән. Мәктәп даирилири йәнә җүмә күнлири оқуғучиларниң җүмә намизиға беришиниң алдини елишини мәқсәт қилип, оқуғучиларни дәл саәт бирдә мәктәпкә йиғилишқа буйриған. Инкасларға қариғанда , бу хил түзүм уйғур илидики барлиқ алий мәктәпләрдә иҗра қилиниватқан икән.

Һөкүмәт бир қисим җайларда, мәктәп оқутқучилирини мәсчитләрниң алдида көзәткүчиликкә орунлаштуруп, тиравә намизиға кәлгәнләрни тизимлаш ишлириға салған.

Хәлқара кишилик һоқуқ тәшкилатлириниң, хитайда кишиләрниң диний әркинликиниң қаттиқ дәпсәндә қилиниватқанлиқи һәққидики доклатлири, хитай һөкүмити тәрипидин изчил рәт қилинип кәлмәктә. Хитай өз пуқралириниң диний әркинлик сияситидин бәһримән болуватқанлиқини , һечқандақ диний кәмситишниң мәвҗүт әмәсликини илгири сүрмәктә.

Уйғурлар, ислам динидики әң муһим пәрзләрдин бири һесабланған һәҗ қилиш паалийитиниму өз алдиға әркин елип баралмайду. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт