مۇسۇلمانلارنىڭ مۇبارەك رامىزان ئېيى باشلاندى


2005-10-05
Share

ئىسلام دىنىدىكى ئۇلۇغ ئايلارنىڭ بىرى بولغان رامىزان ئېيى باشلاندى. رامىزان ئېيىدا روزى تۇتۇش مۇسۇلمانلارغا پەرز قىلىنغان.

ئوتتۇرا شەرق دۆلەتلىرىدىكى مۇسۇلمانلار رامىزاننى سەيشەنبە كۈنى كۈتۈۋالدى. ئەمما مالايشىيا قاتارلىق دۆلەتلەردىكى مۇسۇلمانلار بولسا، چارشەنبە كۈنى يېڭى ئاينى كۆرگەندىن كېيىن رامىزان ئېيىغا قەدەم قويدى.

دۇنيانىڭ نۇرغۇن جايلىرىدىكى مۇسۇلمانلار ھاياجان ئىچىدە رامىزان ئېيىنى كۈتۈۋالغان بىر شارائىتتا، بىر قىسىم مۇستەبىت تۈزۈم ئاستىدا ياشاۋاتقان مۇسۇلمانلار رامىزاندا روزا تۇتۇشتىنمۇ چەكلەنمەكتە.

مۇخبىرىمىزنىڭ زىيارىتىنى قوبۇل قىلغان ئۇيغۇر ئېلىدىكى ئىسمىنى ئاشكارىلاشنى خالىمىغان بىر كىشىنىڭ بىلدۈرۈشىچە، خىتاي ھۆكۈمىتى رامىزان ھارپىسىدا ھەرىكەت قوزغاپ، مۇسۇلمان ئىشچى- خىزمەتچى ۋە ئوقۇغۇچىلارنىڭ روزا تۇتۇشى، ناماز ئوقۇشىنى چەكلىگەن. ئۈرۈمچىدە ھۆكۈمەت تارماقلىرى، ئاشخانا خوجايىنلىرىنى رامىزان مەزگىلىدە ئاشخانا تاقىماسلىق ھەققىدىكى توختامغا قول قويغۇزغان.

چەتئەلدىكى ئۇيغۇر دىنىي زاتلىرى، خىتاي ھۆكۈمىتىنىڭ رامىزان ئېيىدا ئۇيغۇر مۇسۇلمانلىرىغا قاراتقان بۇ خىل دىنىي باستۇرۇشلىرىنى قاتتىق ئەيىبلىمەكتە. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت