Uyghur aptonom rayoni dunyaning eng chong renglik paxta bazisigha aylandi


2007-07-06
Share

Xitay renglik paxta igiliki bilen shughullinidighan monopoliye karxanilirining ashkarilishiche, Uyghur aptonom rayoni dunya buyiche renglik paxta ishlepchiqiridighan eng chong bazigha aylan'ghan bolup, dunya miqyasida ishlepchiqiriliwatqan renglik paxtining yérimi Uyghur élide ishlepchiqirilmaqta iken.

Xitay renglik paxta cheklik hessidarliq guruhining mudiri jaw shyawlin, ötken hepte xitayda chaqirilghan bir xelq'ara renglik paxta yighinida, ötkenki on nechche yildin béri renglik paxtazarliqlarning kölimi 20 hesse köpiyip, nöwette Uyghur aptonom rayonidiki renglik paxtizarliqlar 130 kwadrat kilométirgha yetkenlikini bildürgen.

Merkizi Uyghur aptonom rayonidiki renglik paxta hessidarliq cheklik guruhi, xitayning eng chong renglik paxta ishlepchiqirish kespi bilen shughullinidighan karxana bolup,2006 - yili 8000 tonna renglik paxta ishlepchiqarghan. Bu shu yili xitay buyiche ishlepchiqirilghan renglik paxtining% 95 ni igileydu.

"Junggo" géziti bu heqtiki xewiride, mutexessislerning renglik paxtigha muhit bilen maslishalaydighan mehsulat, dep baha bérishkenlikini yazdi. Lékin yene bezi mutexessisler, renglik yaki adettiki paxta igiliki rayonda tupraqning qumlishish sür'itini tézlitip, bostanliqlarning yimirilishige sewebchi boluwatqanliqini agahlandurmaqta.

Yéqinda Uyghur aptonom rayoni tupraqni qoghdash idarisining bashliqi, tarim deryasi wadisida élip bérilghan heddidin ziyade tériqchiliq we baqmichiliq ishliri tupraqning qumliship kétishini éghirlashturiwatqanliqini agahlandurdi. "Junggo" gézitining xewiride eskertishiche, Uyghur élide her yili 100 kwadrat kilométir zéminni qum basmaqta iken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet