Xitay, d s t ning Uyghur aptonom rayoni tekshürüsh élip bérishigha ruxset qilmidi

Xitay hökümiti, dunya sehiye teshkilatining Uyghur aptonom rayonida qush zukam wirusining tarqilish ehwalini toghrisida tekshürüsh élip bérishigha ruxset qilmighan. Uyghur aptonom rayoni yéqinqi bir ay ichide chingxeydin kéyin qush zukam wirusi bayqalghan jaylarning biri. Qush qukam wirusi Uyghur aptonom rayonining chöchek shehiri etrapidiki bir ghaz pérmisida bayqalghan.

Dunya sehiye teshkilatining tekshürüsh ömiki düshenbe küni xitaygha qarap yolgha chiqti. Ular chingxey qatarliq jaylarda tekshürüsh élip baridu. "Wol stirit zhornal géziti" ning xewer qilishiche, dunya sehiye teshkilati chingxey bilen birge Uyghur aptonom rayonida tekshürüsh élip bérishni telep qilghan bolsimu, emma bu xitay da'irilirining ret qilishigha uchrighan.Mezkur organ xitay da'irilirining Uyghur aptonom rayonida tekshürüsh élip bérish pilanini tézrek testiqlishini ömid qilidiken.

"Wol stirit zhornal géziti" ning xewer qilishiche, dunya sehiye teshkilatining xitayda turushluq bayanatchisi roy wadiya, " da'iriler telipimizni tézraq testiqlighan bolsa yaxshi bolatti," dep tekitligen. Emma " wol stirit zhornal géziti", xitay da'iriliri néme üchün dunya sehiye teshkilati xadimlirining chingxeyge bérishige ruxset qilip, Uyghur aptonom rayonida tekshürüsh élip bérishigha ruxset qilmighanliqini chüshendürmigen.

Ötken hepte chöchek shehiri etrapidiki ghaz férmisida qush zukimi wirusi bayqalghandin kéyin, Uyghur aptonom rayonidiki metbu'atlar bu xewerni tilgha almighan idi. (Erkin)